റാഞ്ചി: ആഹാരം വിളമ്പാന് വൈകി എന്ന കാരണത്താൽ മകൻ അമ്മയെ അടിച്ചുകൊന്നു. 60 വയസ്സുകാരിയായ അമ്മ സുമിയെ മദ്യപനായ മകൻ പ്രധാൻ സോയ്(35) ആണ് കൊലപ്പെടുത്തിയത്. ഝാർഖണ്ഡിലെ സിംഗ്ഭം ജില്ലയിലെ മോഹന്പൂര് ബ്ളോക്കിൽ വെള്ളിയാഴ്ച രാത്രിയോടെയാണ് നാടിനെ നടുക്കിയ സംഭവം നടന്നത്. പ്രതിയെ പോലീസ് അറസ്റ്റ് ചെയ്തു.
പോലീസ് എത്തുമ്പോള് പ്രധാൻ സോയ് അമ്മയുടെ മൃതദേഹം പറമ്പിൽ തന്നെ കുഴിച്ചുമൂടാൻ ശ്രമിക്കുകയായിരുന്നു എന്ന് മനോഹര് പൂര് അഡിഷണല് എസിപി വിമലേഷ് ത്രിപാഠി മാദ്ധ്യമങ്ങളോട് പറഞ്ഞു. സംഭവത്തെ കുറിച്ച് പോലീസ് പറയുന്നതിങ്ങനെ; രാത്രി മദ്യപിച്ചു വന്ന പ്രധാൻ സോയ് അമ്മയോട് ഭക്ഷണം ചോദിച്ചു. എന്നാൽ അമ്മ ഭക്ഷണം എടുത്തുനൽകാൻ വൈകിയതോടെ പ്രകോപിതനായ മകൻ ഒരു വടി എടുത്ത് അമ്മയെ അടിച്ചു കൊലപ്പെടുത്തുക ആയിരുന്നു.
പ്രധാൻ സോയ് മദ്യത്തിന് അടിമയാണ് എന്നും കൊലപാതകത്തിൽ കൂടുതല് അന്വേഷണം നടത്തുമെന്നും പോലീസ് അറിയിച്ചു.
Read Also: മ്യാൻമറിൽ സൈനിക അട്ടിമറി; ഓങ് സാൻ സൂചിയും പ്രസിഡണ്ടും തടവിൽ