പത്തനംതിട്ട: നാട്ടുകാരെ ഭീതിയിലാക്കി പമ്പയില് പുലിയിറങ്ങി. പമ്പ കെഎസ്ആര്ടിസി ബസ് സ്റ്റാൻഡിനും പോലീസ് സ്റ്റേഷനും സമീപത്താണ് പുലിയെ കണ്ടത്. തെരുവ് നായയെ പുലി ആക്രമിക്കുന്ന സിസിടിവി ദൃശ്യങ്ങള് പുറത്തുവന്നിട്ടുണ്ട്.
തിങ്കളാഴ്ച രാത്രിയാണ് പുലി നായയെ ആക്രമിക്കുന്ന രംഗം സിസിടിവിയില് പതിഞ്ഞത്. സമീപകാലങ്ങളിലൊന്നും പമ്പയില് വന്യജീവി ആക്രമണം റിപ്പോർട് ചെയ്തിട്ടില്ല. സിസിടിവി ദൃശ്യങ്ങള് പുറത്തെത്തിയതോടെ ആശങ്ക വർധിക്കുകയാണ്.
എന്നാല് പരിശോധന ഊര്ജിതമാക്കിയിട്ടുണ്ട് എന്നും ആശങ്കപ്പെടേണ്ട സാഹചര്യം നിലവിലില്ലെന്നും വനംവകുപ്പ് അറിയിച്ചു. മണ്ഡല-മകരവിളക്ക് ചടങ്ങുകള്ക്കു ശേഷം കഴിഞ്ഞ വ്യാഴാഴ്ചയാണ് ശബരിമല നട അടച്ചത്.
Most Read: യുപിയിൽ കർഷകരെ അനുനയിപ്പിക്കാൻ അമിത് ഷാ; ജാട്ട് നേതാക്കളുമായി കൂടിക്കാഴ്ച നടത്തി