തിരുവനന്തപുരം: മദ്യപിക്കുന്നവരുടെ കണക്കിൽ കേരളം ദേശീയ ശരാശരിയേക്കാളും മുന്നിലെന്ന് ദേശീയ കുടുംബാരോഗ്യ സർവേ. 15 വയസിന് മുകളിലുള്ള പുരുഷൻമാരിൽ ദേശീയ ശരാശരി 18.8 ശതമാനം മദ്യപിക്കുമ്പോൾ കേരളത്തിൽ ഇത് 19.9 ശതമാനമാണ്.
കേരളത്തിൽ നഗരങ്ങളിൽ 18.7 ശതമാനവും ഗ്രാമങ്ങളിൽ 21 ശതമാനവും പുരുഷൻമാർ മദ്യപിക്കുമെന്നും സർവേ പറയുന്നു. സംസ്‌ഥാനത്ത് ഏറ്റവും കുറവ് മദ്യപൻമാരുള്ള ജില്ല മലപ്പുറമാണെന്നും സർവേ വ്യക്‌തമാക്കുന്നു. ജില്ലയിലെ പുരുഷൻമാരിൽ 7.7 ശതമാനം മാത്രമാണ് മദ്യപിക്കുന്നത്. സംസ്‌ഥാന ശരാശരിക്കും (19.9%) വളരെ കുറവാണ് ഇക്കാര്യത്തിൽ മലപ്പുറത്തിന്റെ സ്‌ഥാനം.
എറ്റവും കൂടുതൽ മദ്യപരുള്ള ജില്ല ആലപ്പുഴയാണ് (29%). പുരുഷൻമാർ തന്നെയാണ് മദ്യപാനത്തിൽ മുൻപിലുള്ളത്. ആലപ്പുഴയിലെ സ്‍ത്രീകളിൽ 0.2 ശതമാനം മാത്രമാണ് മദ്യപിക്കുന്നത്.
Malabar News: കോഴിക്കോട് യുകെയില്‍ നിന്നെത്തിയ ഡോക്‌ടറുടെ സാമ്പിള്‍ ജനിതക പരിശോധനയ്‌ക്ക്‌ അയച്ചു
