പാലക്കാട്: തദ്ദേശ സ്വയംഭരണ തിരഞ്ഞെടുപ്പ് പ്രവര്ത്തനങ്ങളില് ഏര്പ്പെടുന്ന ഉദ്യോഗസ്ഥര്ക്ക് കോവിഡ് പ്രതിരോധ സാമഗ്രികള് വിതരണം ചെയ്തു. കോവിഡ് വ്യാപനത്തിന്റെ പശ്ചാത്തലത്തില് ഉദ്യോഗസ്ഥരുടെ സുരക്ഷ മുന്നിര്ത്തിയാണ് ജില്ലാ തിരഞ്ഞെടുപ്പ് വിഭാഗം പ്രതിരോധ സാമഗ്രികള് വിതരണം ചെയ്തത്.
നാമനിര്ദേശ പത്രിക സ്വീകരിക്കുന്ന വരണാധികാരി, ഉപ വരണാധികാരികള് എന്നിവര്ക്കും തിരഞ്ഞെടുപ്പുമായി ബന്ധപ്പെട്ട് പരിശീലനത്തില് പങ്കെടുക്കുന്ന ഉദ്യോഗസ്ഥര്, ഇലക്ട്രോണിക് വോട്ടിംഗ് മെഷീന് ഘടിപ്പിക്കുന്ന ജീവനക്കാര്, സെക്ടറല് ഉദ്യോഗസ്ഥര് എന്നിവര്ക്കാണ് ഫെയ്സ് ഷീല്ഡ്, എന്95 മാസ്ക്, സാനിറ്റൈസര്, ഗ്ളൗസ് തുടങ്ങിയവ വിതരണം ചെയ്തത്.
ആദ്യഘട്ടത്തില് ജില്ലാ പഞ്ചായത്ത്, മുനിസിപ്പാലിറ്റി, ബ്ളോക്ക് പഞ്ചായത്ത് സ്ഥാപനങ്ങളിലേക്കാണ് പ്രതിരോധ സാമഗ്രികള് കൈമാറിയത്. അതേസമയം ഗ്രാമ പഞ്ചായത്തുകള്ക്കുള്ള പ്രതിരോധ സാമഗ്രികള് അതാത് ബ്ളോക്ക് പഞ്ചായത്തുകളില് നിന്നും വിതരണം ചെയ്യുമെന്ന് ജില്ലാ തിരഞ്ഞെടുപ്പ് വിഭാഗം അറിയിച്ചു.
Malabar News: ഇരിട്ടിയിലെ സംസ്ഥാന അതിർത്തിയിൽ ജിഎസ്ടി വിഭാഗം സിസിടിവി സ്ഥാപിച്ചു