കൊയിലാണ്ടി: തിക്കോടി നന്തി പഴയ ടോൾ ബൂത്തിന് സമീപം നിയന്ത്രണം വിട്ട ലോറി ഇലക്ട്രിക് പോസ്റ്റിൽ ഇടിച്ച് അപകടം. ഇന്ന് രാവിലെയാണ് കെഎൽ-59–3616 എന്ന നമ്പറിലുള്ള ലോറി നിയന്ത്രണം വിട്ട് റോഡരികിലുള്ള ഇലക്ട്രിക് പോസ്റ്റിൽ ഇടിച്ചത്. ലോറിയിൽ ഉണ്ടായിരുന്ന 3 പേരെയും കൊയിലാണ്ടി താലൂക്ക് ആശുപത്രിയിൽ പ്രവേശിപ്പിച്ചു. കൊയിലാണ്ടി പോലീസ് അപകടം നടന്ന സ്ഥലത്തെത്തി.
ഇടിയുടെ ആഘാതത്തിൽ രണ്ട് ഇലക്ട്രിക് പോസ്റ്റുകൾ പൂർണമായും തകർന്നു. ഇതോടെ പ്രദേശത്തെ വൈദ്യുതി വിതരണം താറുമാറിലായി. രാവിലെ മുതൽ മേഖലയിലെ പലയിടത്തും വൈദ്യുതി മുടങ്ങിയിരിക്കുകയാണ്. വൈകീട്ട് അഞ്ച് മണിയോടെ മാത്രമേ തകരാർ പരിഹരിച്ച് വൈദ്യുതി വിതരണം സാധാരണ നിലയിലാക്കാൻ കഴിയൂവെന്ന് കെഎസ്ഇബി ഉദ്യോഗസ്ഥർ അറിയിച്ചു.
Read Also: വരും ദിവസങ്ങളിൽ മഴ കനത്തേക്കും; വിവിധ ജില്ലകളില് യെല്ലോ അലര്ട്