വള്ളിക്കുന്ന്: ആനങ്ങാടി റെയിൽവേ ഗേറ്റിൽ കണ്ടെയ്നർ ലോറി കുടുങ്ങി 8 മണിക്കൂറിൽ അധികം ഗതാഗതം ഭാഗികമായി തടസപ്പെട്ടു. ഇന്നലെ രാവിലെ ആറോടെയാണ് ഗേറ്റ് കടക്കുമ്പോൾ ലീഫ് പൊട്ടി ലോറി കുടുങ്ങിയത്. ഇതോടെ കോട്ടക്കടവ് വഴി കോഴിക്കോട്- പരപ്പനങ്ങാടി റൂട്ടിൽ ബസ് ഗതാഗതവും ഭാഗികമായി. ഗേറ്റിൽ അശാസ്ത്രീയ ഓട നിർമാണം മൂലമുണ്ടായ കയറ്റിറക്കം ആണ് കണ്ടെയ്നർ കുടുങ്ങി ലീഫ് പൊട്ടാനിടയാക്കിയത്.
ഇരുചക്ര, മുച്ചക്ര വാഹനങ്ങൾ ലോറിയുടെ ഇരുവശത്തുകൂടി കടന്നുപോയി. ഉച്ച കഴിഞ്ഞാണ് ലോറി നീക്കം ചെയ്യാനായത്. ഇന്നു നടക്കുന്ന റെയിൽവേ ഗേറ്റ് അറ്റകുറ്റപ്പണിയുടെ ഭാഗമായി റോഡ് നിരപ്പാക്കി വാഹനഗതാഗതം സുഗമമാക്കണമെന്ന് നാട്ടുകാർ ആവശ്യപ്പെട്ടു.
Also Read: തിരുവനന്തപുരം നഗരസഭയിലെ ഫണ്ട് തിരിമറി; അന്വേഷണം നടത്തണമെന്ന് ആവശ്യം