തിരുവനന്തപുരം: ഞായറാഴ്ചകളിൽ നറുക്കെടുക്കുന്ന പുതിയ ലോട്ടറി ടിക്കറ്റ് പുറത്തിറക്കി സംസ്ഥാന ഭാഗ്യക്കുറി വകുപ്പ്. ‘ഫിഫ്റ്റി-ഫിഫ്റ്റി’ എന്ന പേരിലാണ് പുതിയ ടിക്കറ്റ് പുറത്തിറക്കിയത്. എല്ലാ ഞായറാഴ്ചകളിലും ആയിരിക്കും ടിക്കറ്റിന്റെ നറുക്കെടുപ്പ്. 50 രൂപയാണ് ടിക്കറ്റ് വില.
ഒന്നാം സമ്മാനമായി ഒരുകോടി രൂപയും രണ്ടാം സമ്മാനമായി 10 ലക്ഷം രൂപയുമാണ് സമ്മാനം. പുതിയ ടിക്കറ്റ് ധനകാര്യ മന്ത്രി കെഎൻ ബാലഗോപാൽ പ്രകാശനം ചെയ്തു. കേരള ലോട്ടറി 50 വർഷം പൂർത്തിയാക്കിയത് കണക്കിലെടുത്താണ് ഫിഫ്റ്റി-ഫിഫ്റ്റി പേര് നൽകിയത്.
ഈ മാസം 29ന് ആണ് ആദ്യ നറുക്കെടുപ്പ്. തിങ്കൾ മുതൽ ശനി വരെ യഥാക്രമം വിൻവിൻ, സ്ത്രീശക്തി, അക്ഷയ, കാരുണ്യ പ്ളസ്, നിർമൽ, കാരുണ്യ എന്നീ ലോട്ടറികളാണ് നറുക്കെടുക്കുന്നത്. കോവിഡ് കാരണം ഞായറാഴ്ചകളിലുള്ള നറുക്കെടുപ്പ് ഒഴിവാക്കിയിരുന്നു.
Most Read: തൃക്കാക്കരയിൽ മുന്നണികൾ നേരിട്ട് വോട്ട് അഭ്യർഥിച്ചു; സാബു എം ജേക്കബ്