തിരുവനന്തപുരം: നിയമസഭാ തിരഞ്ഞെടുപ്പിൽ യുഡിഎഫിനേറ്റ പരാജയത്തിൽ പ്രതികരണവുമായി യുഡിഎഫ് കൺവീനർ എംഎം ഹസന്. തിരഞ്ഞെടുപ്പിലെ പരാജയത്തിൽ പതറില്ലെന്നും ജനവിധിയെ മാനിക്കുന്നുവെന്നും എംഎം ഹസന് പറഞ്ഞു.
യുഡിഎഫ് ഇതോടെ തകർന്ന് തരിപ്പണമാകുമെന്ന് ആരും കരുതേണ്ടെന്നും എംഎം ഹസന് പറഞ്ഞു. ‘വർധിത വീര്യത്തോടെ തിരിച്ചുവരും. ഭരണവിരുദ്ധ വികാരം അതിജീവിച്ച് എൽഡിഎഫ് നേടിയ വിജയത്തിന്റെ ഘടകങ്ങൾ പരിശോധിക്കും’, എംഎം ഹസന് വ്യക്തമാക്കി. യുഡിഎഫ് യോഗം കൂടി ഇക്കാര്യങ്ങൾ ഉടൻ വിലയിരുത്തുമെന്നും യുഡിഎഫ് കൺവീനർ കൂട്ടിച്ചേര്ത്തു.
Read Also: ചെകുത്താനെ പുറത്താക്കി ദൈവത്തിന്റെ സ്വന്തം നാട്; പ്രകാശ് രാജ്