തിരുവനന്തപുരം: മുഖ്യമന്ത്രി പിണറായി വിജയന്റെ മുൻ പ്രിൻസിപ്പൽ സെക്രട്ടറി എം ശിവശങ്കറിനെ തിരിച്ചെടുക്കാൻ ശുപാർശ. സസ്‍പെൻഷൻ കാലാവധി തീർന്നതോടെയാണ് ശിവശങ്കറിനെ തിരിച്ചെടുക്കാൻ ചീഫ് സെക്രട്ടറി അധ്യക്ഷനായ സമിതി ശുപാർശ ചെയ്‌തത്‌.
മുഖ്യമന്ത്രി പിണറായി വിജയനാണ് ശിവശങ്കറിനെ തിരിച്ചെടുക്കുന്നതിൽ അന്തിമ തീരുമാനമെടുക്കുക. നയതന്ത്ര ബാഗേജ് വഴിയുള്ള സ്വർണകടത്തുകേസിൽ പ്രതി ചേർക്കപ്പെട്ടതിനെ തുടർന്നാണ് ശിവശങ്കറിനെ സസ്‍പെൻഡ് ചെയ്‌തത്‌. ആദ്യ സസ്‍പെൻഷന്റെ കാലാവധി 2021 ജൂലൈ 15ന് ആണ് അവസാനിച്ചത്. ഇതിന് മുൻപായി പുതിയ കാരണം ചൂണ്ടിക്കാട്ടി സസ്‍പെൻഷൻ 6 മാസത്തേക്ക് നീട്ടുകയായിരുന്നു.
Also Read: ഫ്രാന്‍സില്‍ പുതിയ കോവിഡ് വകഭേദം സ്‌ഥിരീകരിച്ചു
