കൊല്‍ക്കത്ത: ദേശീയതലത്തില്‍ സാന്നിധ്യം ശക്‌തമാക്കാന്‍ ലോക്‌സഭാ എംപി മഹുവ മൊയ്‌ത്രയെ ഗോവയുടെ ചുമതല ഏല്‍പിച്ച് തൃണമൂല്‍ കോണ്‍ഗ്രസ്. ഗോവയിലെ നിയമസഭാ തിരഞ്ഞെടുപ്പിന് മുന്നോടിയായാണ് നടപടി. പാര്‍ലമെന്റില്‍ കേന്ദ്രസര്‍ക്കാരിന്റെയും ബിജെപിയുടെയും ജനവിരുദ്ധ നയങ്ങള്‍ക്കെതിരെ ശക്‌തമായ വാദമുഖങ്ങള്‍ തുറക്കുന്ന വ്യക്‌തിയാണ് മഹുവ മൊയ്‌ത്ര.
മഹുവയുടെ പാര്‍ലമെന്റിലെ പല പ്രസംഗങ്ങളും സാമൂഹിക മാദ്ധ്യമങ്ങളില്‍ വൈറലാകുകയും ബിജെപിക്കെതിരായ പ്രചരണ ആയുധമാകുകയും ചെയ്‌തിട്ടുണ്ട്. ഒഴുക്കുള്ള ഇംഗ്ളീഷില്‍ മഹുവ നടത്തിയ പ്രസംഗങ്ങള്‍ രാജ്യമാകെ അവരെ പ്രസിദ്ധയാക്കിയിട്ടുണ്ട്.
Read also: മഹാരാഷ്‌ട്രയിൽ ഏറ്റുമുട്ടൽ; 26 മാവോയിസ്‌റ്റുകളെ വധിച്ചു
