തിരുവനന്തപുരം : ഇത്തവണത്തെ എസ്എസ്എല്‍സി, പ്‌ളസ് 2 പരീക്ഷകളില്‍ കൂടുതല്‍ ഊന്നല്‍ നല്‍കി പഠിക്കേണ്ട പാഠഭാഗങ്ങള്‍ ഏതൊക്കെയെന്ന് ഇന്ന് പ്രസിദ്ധീകരിക്കും. ഈ പാഠഭാഗങ്ങള്‍ കേന്ദ്രീകരിച്ചായിരിക്കും കൂടുതല്‍ ചോദ്യങ്ങളും ഉണ്ടാകുക. മുൻ‌തൂക്കം നൽകുന്ന പാഠഭാഗങ്ങളുടെ ലിസ്‌റ്റ് തയ്യാറാക്കുന്നതിനായി എന്‍സിഇആര്‍ടിയുടെ നേതൃത്വത്തില്‍ വിഷയാടിസ്‌ഥാനത്തിലുള്ള ശില്‍പശാലകള്‍ നടന്നിരുന്നു.
ഏകദേശം 40 ശതമാനം പാഠഭാഗങ്ങളാണ് കൂടുതല്‍ ശ്രദ്ധ നല്‍കി പഠിക്കേണ്ടവ. ഇവയില്‍ നിന്നായിരിക്കും കൂടുതല്‍ ചോദ്യങ്ങളും ചോദിക്കുന്നത്. കൂടാതെ ഉത്തരം നല്‍കേണ്ട ചോദ്യങ്ങളുടെ ഇരട്ടി ചോദ്യങ്ങള്‍ ഇത്തവണത്തെ ചോദ്യപ്പേപ്പറില്‍ ഉണ്ടാകും. ഇവയില്‍ നിന്നും തിരഞ്ഞെടുത്ത് വിദ്യാര്‍ഥികള്‍ക്ക് ഉത്തരം നല്‍കാവുന്നതാണ്.
എസ്എസ്എല്‍സി പരീക്ഷയുടെ ചോദ്യപ്പേപ്പര്‍ തയ്യാറാക്കുന്നതിനായി ജനുവരി ആദ്യവാരത്തില്‍ തന്നെ പരീക്ഷാഭവനില്‍ ഇതുമായി ബന്ധപ്പെട്ട ശിൽപശാല നടക്കും. അതുപോലെ നാളെ മുതല്‍ സ്‌കൂളുകളില്‍ എത്തുന്ന എസ്എസ്എല്‍സി, പ്‌ളസ് 2 കുട്ടികള്‍ക്കായി മാതൃക ചോദ്യപ്പേപ്പര്‍ നല്‍കും. കൂടുതല്‍ ശ്രദ്ധ നല്‍കി പേടിക്കേണ്ട പാഠഭാഗങ്ങളെ മുന്‍നിര്‍ത്തിയുള്ള ചോദ്യപ്പേപ്പറുകള്‍ ആയിരിക്കും നല്‍കുക. ഇവയുമായി ബന്ധപ്പെട്ട റിവിഷനുകളായിരിക്കും നാളെ മുതല്‍ സ്‌കൂളുകളില്‍ നടക്കുന്നത്.
Read also : തിരഞ്ഞെടുപ്പിൽ നിന്ന് വിട്ടുനിന്ന ഭാരവാഹികളെ ഒഴിവാക്കാൻ നീക്കം
