വടകര: കോഴിക്കോട് വടകര എടച്ചേരി പുതിയങ്ങാടിയിൽ കിണറിടിഞ്ഞ് ഒരാൾ മണ്ണിനടിയിലായി. രണ്ട് പേരെ രക്ഷപ്പെടുത്തി. നിർമാണത്തിലിരുന്ന കിണറാണ് ഇടിഞ്ഞത്. ഇന്ന് രാവിലെ 10 മണിയോടെയാണ് സംഭവം. 3 തൊഴിലാളികളാണ് കിണറിന്റെ പടവ് കെട്ടുന്ന പണിയിൽ ഏർപ്പെട്ടിരുന്നത്. അപകടസമയത്ത് സ്ഥലത്ത് കനത്ത മഴയുണ്ടായിരുന്നു. മുകൾഭാഗത്ത് നിന്ന് മണ്ണ് ഇടിഞ്ഞു വീണ് 3 പേരും മണ്ണിനടിയിലായി. എന്നാൽ രണ്ടുപേരെ നാട്ടുകാർ ചേർന്ന് രക്ഷപ്പെടുത്തി. സ്ഥലത്ത് രക്ഷാപ്രവർത്തനം തുടരുകയാണ്.
Read also: പോസിറ്റിവിറ്റി കുറവുള്ള പ്രദേശങ്ങളിൽ ആരാധനാലയങ്ങള് തുറക്കണം; ഖലീല് ബുഖാരി തങ്ങള്