വമ്പൻ താരനിരയെ അണിനിരത്തി മണിരത്നം സംവിധാനം ചെയ്യുന്ന ബ്രഹ്മാണ്ഡ ചിത്രം ‘പൊന്നിയിന് സെല്വൻ’ റിലീസ് തീയതി പ്രഖ്യാപിച്ചു. സെപ്റ്റംബർ 30ന് ചിത്രം തിയേറ്ററുകളിൽ എത്തും.
കല്ക്കി കൃഷ്ണമൂര്ത്തിയുടെ നോവലിനെ അടിസ്ഥാനമാക്കിയാണ് ചിത്രത്തിന്റെ തിരക്കഥ ഒരുക്കിയിരിക്കുന്നത്. ചരിത്ര പ്രാധാന്യമുള്ള ചിത്രത്തില് വിക്രം, ഐശ്വര്യ റായ് ബച്ചൻ, ജയം രവി, കാർത്തി, പ്രകാശ് രാജ്, തൃഷ, ഐശ്വര്യ ലക്ഷ്മി, ശോഭിത ധുലിപാല, വിക്രം പ്രഭു തുടങ്ങി വലിയ താരനിര തന്നെയുണ്ട്.
Wishing our Chairman Allirajah Subaskaran a very happy birthday! The Golden Era comes to the big screens on Sept 30th! ?#PS1 #PS1FirstLooks @MadrasTalkies_ pic.twitter.com/jJ03A59vcm
— Lyca Productions (@LycaProductions) March 2, 2022
ആദിത്യ കരികാലന് എന്നാണ് വിക്രം അവതരിപ്പിക്കുന്ന കഥാപാത്രത്തിന്റെ പേര്. പ്രകാശ് രാജ് അവതരിപ്പിക്കുന്ന സുന്ദര ചോഴര് എന്ന കഥാപാത്രം ആദ്യം അമിതാബ് ബച്ചനായിരുന്നു ചെയ്യാനിരുന്നത്. ചോഴ രാജകുമാരിയായ കുന്ധവിയെയാണ് തൃഷ അവതരിപ്പിക്കുന്നത്.
എആര് റഹ്മാന് ആണ് പ്രേക്ഷകർ ഏറെ പ്രതീക്ഷയോടെ കാത്തിരിക്കുന്ന ഈ ചിത്രത്തിന് സംഗീതമൊരുക്കുന്നത്. ചിത്രത്തിന്റെ ഛായാഗ്രാഹകന് രവി വര്മ്മനാണ്. മഡ്രാസ് ടാക്കീസും, ലൈക്ക പ്രൊഡക്ഷന്സും ചേര്ന്നാണ് ‘പൊന്നിയിന് സെല്വന്’ നിര്മിക്കുന്നത്. ‘പൊന്നിയിന് സെല്വ’ന്റെ മിക്ക ഭാഗങ്ങളും ചിത്രീകരിച്ചിരിക്കുന്നത് രാമുജി ഫിലിം സിറ്റിയിലാണ്.
Most Read: നടിയെ ആക്രമിച്ച കേസ്; തുടരന്വേഷണ പുരോഗതി റിപ്പോർട് സമർപ്പിച്ച് ക്രൈം ബ്രാഞ്ച്