ന്യൂഡെൽഹി: മണിപ്പൂരിൽ ഒന്നാംഘട്ട തിരഞ്ഞെടുപ്പിന്റെ വോട്ടെടുപ്പ് പുരോഗമിക്കുന്നു. 38 മണ്ഡലങ്ങളിലാണ് ഇന്ന് തിരഞ്ഞെടുപ്പ് നടക്കുന്നത്. ഇതുവരെയുള്ള കണക്കുകൾ പ്രകാരം 48.88 ശതമാനം പോളിംഗാണ് മണിപ്പൂരിൽ രേഖപ്പെടുത്തിയത്. ഇതിൽ ഏറ്റവും കൂടുതൽ പോളിംഗ് 65.37 ശതമാനം രേഖപ്പെടുത്തിയ സൈകുൽ മണ്ഡലത്തിലും, ഏറ്റവും കുറവ് 3.25 ശതമാനം രേഖപ്പെടുത്തിയ കെട്രിഗാവോ മണ്ഡലത്തിലുമാണ്.
ഇന്ന് വൈകുന്നേരം 6 മണി വരെയാണ് പോളിംഗ് നടക്കുന്നത്. 173 സ്‌ഥാനാർഥികളാണ് ഇന്ന് 38 മണ്ഡലങ്ങളിലായി തിരഞ്ഞെടുപ്പിനെ നേരിടുന്നത്. ഇവരിൽ മുഖ്യമന്ത്രി എൻ ബിരേൻ സിംഗ്, മണിപ്പൂർ പിസിസി പ്രസിഡണ്ട് എൻ ലോകെൻ സിംഗ്, ഉപമുഖ്യമന്ത്രി യുംനാം ജോയ് കുമാർ സിംഗ് തുടങ്ങിയ പ്രമുഖരും ഉൾപ്പെടുന്നുണ്ട്.
മാർച്ച് 5ആം തീയതിയാണ് മണിപ്പൂരിൽ രണ്ടാം ഘട്ട വോട്ടെടുപ്പ് നടക്കുക. സംസ്ഥാനത്ത് ആകെ 20 ലക്ഷത്തോളം വോട്ടർമാരാണ് ഉള്ളത്. ഇവരിൽ 10.49 ലക്ഷം സ്‌ത്രീകളും, 9.58 ലക്ഷത്തോളം പുരുഷൻമാരും ഉൾപ്പെടുന്നുണ്ട്.
Read also: പീഡന പരാതി; തൃശൂരിൽ അധ്യാപകനെതിരെ നടപടി, പ്രതിഷേധം കടുപ്പിച്ച് വിദ്യാർഥികൾ
