പാലക്കാട്: മണ്ണാർക്കാട് കാഞ്ഞിരപ്പുഴയിൽ രണ്ട് എപി സുന്നി പ്രവർത്തകരെ കൊലപ്പെടുത്തിയ കേസിൽ പ്രതികൾ കുറ്റക്കാരാണെന്ന് കോടതി. പാലക്കാട് ഫാസ്റ്റ്ട്രാക്ക് കോടതിയാണ് പ്രതികൾ കുറ്റക്കാരാണെന്ന് കണ്ടെത്തിയത്. പ്രതികളുടെ ശിക്ഷ കോടതി മറ്റന്നാൾ വിധിക്കും. 2013 നവംബർ 20ന് ആണ് ഇരട്ടക്കൊലപാതകം നടന്നത്.
മാരകായുധങ്ങളുമായി എത്തിയ സംഘം സഹോദരങ്ങളായ കല്ലാകുഴി പള്ളത്ത് വീട്ടിൽ കുഞ്ഞു ഹംസ, നൂറുദ്ധീൻ എന്നിവരെ വെട്ടികൊലപ്പെടുത്തുകയായിരുന്നു. 25 പേരാണ് കേസിലെ പ്രതികൾ. കാഞ്ഞിരപ്പുഴ പഞ്ചായത്ത് വൈസ് പ്രസിഡണ്ട് ആയിരുന്ന ചോലാറ്റിൽ സിദ്ദിഖ് ആണ് കേസിലെ ഒന്നാം പ്രതി.
പള്ളിയിൽ പിരിവ് നടത്തിയതുമായി ബന്ധപ്പെട്ട തർക്കമാണ് കൊലയിൽ കലാശിച്ചത്. ആക്രമണത്തിൽ മറ്റൊരു സഹോദരൻ കുഞ്ഞു മുഹമ്മദിന് പരിക്കേറ്റിരുന്നു. കേസിൽ ആകെ 90 സാക്ഷികളെയാണ് കോടതി വിസ്തരിച്ചത്.
Most Read: ‘അസാനി’ ആന്ധ്രാതീരത്തേക്ക്; വിമാനങ്ങൾ റദ്ദാക്കി- കേരളത്തിൽ അടക്കം മഴ കനക്കും