വളാഞ്ചേരി: മലപ്പുറം വളാഞ്ചേരിയിൽ കാർ നന്നാക്കുന്നതിനിടെ യുവാവിന്റെ തലക്ക് തീ പിടിച്ചു. കാറിന്റെ ബോണറ്റിനുള്ളിൽ നിന്ന് തലയിലേക്ക് തീ പടരുകയായിരുന്നു. മനസാന്നിധ്യം കൊണ്ട് മാത്രമാണ് വൻ ദുരന്തത്തിൽ നിന്ന് യുവാവ് രക്ഷപെട്ടത്.
വളാഞ്ചേരി പട്ടാമ്പി റോഡിലായിരുന്നു സംഭവം. കാറിന്റെ ബോണറ്റ് തുറന്ന് കാറിന്റെ റിപ്പയറിങ്ങിലായിരുന്നു യുവാവ്. പെട്ടെന്ന് തീ ആളിക്കത്തി യുവാവിന്റെ തലയിലേക്ക് പടരുകയായിരുന്നു. എന്നാൽ, പരിഭ്രമിക്കാതെ കൈകൊണ്ട് തന്നെ തീയണക്കാൻ ശ്രമിച്ചതിനാൽ വലിയ അപകടം ഒഴിവായി. തൊട്ടടുത്തുള്ളവർ ഓടിക്കൂടിയപ്പോഴേക്കും യുവാവ് സ്വയം രക്ഷ നേടിയിരുന്നു.
Most Read: സിൽവർ ലൈൻ വിരുദ്ധ പ്രക്ഷോഭം; സഭ ബഹിഷ്‌കരിച്ച് പ്രതിപക്ഷം
