റായ്പൂർ: ഛത്തീസ്ഗഢിലെ ഖോട്യ ജില്ലയിലുണ്ടായ മാവോയിസ്റ്റ് ആക്രമണത്തിൽ ഒരാൾ കൊല്ലപ്പെട്ടു. 11 പേർക്ക് പരിക്കേറ്റിട്ടുണ്ട്. പരിക്കേറ്റവരിൽ ഒരാളുടെ നില ഗുരുതരമാണ്. നാരായൺപുരിൽ നിന്നും ദന്തേവാഡയിലേക്ക് പോവുകയായിരുന്ന സ്വകാര്യ വാഹനത്തിന് നേരെ മാവോവാദികൾ സ്ഫോടക വസ്തു എറിയുകയായിരുന്നു.
മലേവാധി പോലീസ് സ്റ്റേഷൻ പരിധിയിലാണ് ആക്രമണം നടന്നത്. തൊഴിലാളികൾ സഞ്ചരിച്ച വാഹനം പോലീസിന്റേതാണ് എന്ന് തെറ്റിദ്ധരിച്ച് മാവോയിസ്റ്റുകൾ നടത്തിയ ആക്രമണമാവാനാണ് സാധ്യതയെന്ന് ദാന്തേവാഡ എസ്പി അഭിഷേക് പല്ലവ പറഞ്ഞു. മധ്യപ്രദേശിലെ ബാൽഘട്ട് സ്വദേശിയായ ധൻ സിംഗാണ് കൊല്ലപ്പെട്ടത്. പരിക്കേറ്റവരിൽ ഒരു സ്ത്രീയും ഉൾപ്പെടുന്നു.
Read Also: മരിച്ച വ്യക്തികളുടെ ആധാർ റദ്ദാക്കാൻ നിയമഭേദഗതി വരുന്നു