മലയാളത്തിലെ ഏറെ ജനപ്രീതി നേടിയ ചിത്രമായ ‘ചാര്ളി‘യുടെ തമിഴ് പതിപ്പ് ‘മാര‘യുടെ ട്രെയ്ലര് പുറത്തിറങ്ങി. ദുല്ഖര് സല്മാനും പാര്വതിയും പ്രധാന വേഷങ്ങളിലെത്തിയ ‘ചാര്ളി’യുടെ തമിഴ് പതിപ്പില് ആര് മാധവനും ശ്രദ്ധ ശ്രീനാഥുമാണ് പ്രധാന കഥാപാത്രങ്ങളായി എത്തുന്നത്.
മാര്ട്ടിന് പ്രക്കാട്ട് സംവിധാനം ചെയ്ത ചിത്രമായ ‘ചാര്ളി’ മലയാളത്തില് വലിയ തരംഗമാണ് സൃഷ്ടിച്ചത്. ‘മാര’യും സമാന വിജയം നേടുമെന്നാണ് അണിയറ പ്രവര്ത്തകരുടെ പ്രതീക്ഷ. ജനുവരി 8 ന് ചിത്രം ആമസോണ് പ്രൈം വീഡിയോയിലൂടെ പുറത്തിറങ്ങും.
നവാഗതനായ ദിലീപ് കുമാറാണ് ‘മാര’ സംവിധാനം ചെയ്യുന്നത്. ചിത്രത്തില് സീമ, അഭിരാമി, ശിവദ, മാലാ പര്വതി, ഭാസ്കര് തുടങ്ങി നിരവധി താരങ്ങള് വേഷമിടുന്നു. മാരയും ഒരു മുഴുനീള പ്രണയ ചിത്രമായിരിക്കും എന്നാണ് അറിയുന്നത്.
40 വയസുകാരന്റെ കഥാപാത്രമാണ് ഇതില് മാധവന് ചെയ്യുന്നത്. അതേസമയം, കോളേജ് വിദ്യാര്ഥിയായ ഒരു പെണ്കുട്ടിയായാവും ശ്രദ്ധ എത്തുക.
National News: കർഷക പ്രക്ഷോഭം; ആവശ്യങ്ങൾ അംഗീകരിച്ചില്ലെങ്കിൽ അടുത്ത മാസം നിരാഹാരമെന്ന് അണ്ണാ ഹസാരെ