മുംബൈ: ഇന്ത്യൻ ഓഹരി സൂചികകൾ ഇന്ന് വ്യാപാരം തുടങ്ങിയത് നഷ്ടത്തോടെ. മാസത്തിലെ അവസാന ദിവസമായ ഇന്ന് നിഫ്റ്റി 16,500 പോയിന്റിന് താഴെ നിന്നാണ് വ്യാപാരം ആരംഭിച്ചത്. മുംബൈ ഓഹരി സൂചികയായ സെൻസെക്സ് 732.90 പോയിന്റ് താഴേക്ക് പോയി. 1.31 ശതമാനമാണ് ഇടിവ്. 55125.62 പോയിന്റിലാണ് സെൻസെക്സ് രാവിലെ വ്യാപാരം ആരംഭിച്ചത്.
നിഫ്റ്റി 211 പോയിന്റാണ് ഇന്ന് ഇടിഞ്ഞത്. 1.27 ശതമാനം നഷ്ടത്തോടെ 16447.40 പോയിന്റിലാണ് ദേശീയ ഓഹരി സൂചിക ഇന്ന് വ്യാപാരം തുടങ്ങിയത്. 626 ഓഹരികൾ നേട്ടമുണ്ടാക്കിയപ്പോൾ 1462 ഓഹരികൾ താഴോട്ടു പോയി. 142 ഓഹരികളുടെ മൂല്യത്തിൽ ഇരു മാറ്റവുമുണ്ടായില്ല.
ഭാരതി എയർടെൽ, ടാറ്റാ മോട്ടോഴ്സ്, എച്ച്ഡിഎഫ്സി ലൈഫ്, എച്ച്ഡിഎഫ്സി ബാങ്ക്, റെഡ്ഡീസ് ലാബ് തുടങ്ങിയ കമ്പനികൾക്കാണ് ഇന്ന് കൂടുതൽ തിരിച്ചടി നേരിട്ടത്. ഹിൻഡാൽകോ ഇൻഡസ്ട്രീസ്, ടാറ്റാ സ്റ്റീൽ, ജെഎസ്ഡബ്ള്യു സ്റ്റീൽ, പവർ ഗ്രിഡ് കോർപ്പറേഷൻ തുടങ്ങിയ ഓഹരികളുടെ മൂല്യം ഇന്ന് ഉയർന്നു.
Read Also: ബാലാമണിയമ്മ പുരസ്കാരം പ്രൊഫ. എംകെ സാനുവിന്