ലാഹോർ: വടക്കൻ പാകിസ്ഥാനിൽ ചൈനീസ് എഞ്ചിനീയർമാരും പാക് സൈനികരും യാത്ര ചെയ്ത ബസിൽ വൻ ഭീകരാക്രമണം. സ്ഫോടനത്തിൽ ബസിലുണ്ടായിരുന്ന ആറ് ചൈനീസ് എഞ്ചിനീയർമാരടക്കം പത്ത് പേർ കൊല്ലപ്പെട്ടു. നിരവധി പേർക്ക് പരിക്കേറ്റു. ദാസു ഡാമിൽ ജോലി ചെയ്യുന്ന ചൈനീസ് എഞ്ചിനീയർമാരുമാണ് ബസിലുണ്ടായിരുന്നത്.
പരിക്കേറ്റവരുടെ നില ഗുരുതരമായതിനാൽ മരണസംഖ്യ ഇനിയും ഉയർന്നേക്കുമെന്നാണ് വിവരം. അപ്പർ കോഹിസ്ഥാനിൽ വെച്ചാണ് സ്ഫോടനം ഉണ്ടായത്. എഞ്ചിനീയർമാർക്ക് ഒപ്പമുണ്ടായിരുന്ന രണ്ട് അർദ്ധ സൈനികരും കൊല്ലപ്പെട്ടിട്ടുണ്ട്. സ്ഫോടന വസ്തു ബസിനുള്ളിൽ ആയിരുന്നോ റോഡിലായിരുന്നോ എന്നത് വ്യക്തമല്ല. സംഭവത്തിൽ ഒരു ചൈനീസ് എഞ്ചിനീയറെയും സുരക്ഷാ ഉദ്യോഗസ്ഥനെയും കാണാതായിട്ടുണ്ട്.
Also Read: കോവിഡ് വ്യാപനത്തിനിടെ കൻവാർ യാത്രയുമായി യുപി; മൂന്ന് കോടിയോളം ആളുകൾ പങ്കെടുക്കുമെന്ന് സൂചന