മാനന്തവാടി: ജില്ലാ ആശുപത്രിയുടെ സമഗ്ര വികസനത്തിന് മാസ്‌റ്റർ പ്ളാൻ തയാറാക്കുമെന്ന് ജില്ലാ പഞ്ചായത്ത് പ്രസിഡണ്ട് സംഷാദ് മരക്കാർ. ജില്ലാ ആശുപത്രിയുടെ വികസനത്തിനാണ് ഏറ്റവും കൂടുതൽ മുൻഗണന നൽകുന്നതെന്നും അദ്ദേഹം അറിയിച്ചു.
വിവിധ വകുപ്പുകളും ജനപ്രതിനിധികളും ജില്ലാ ആശുപത്രിക്ക് അനുവദിക്കുന്ന ഫണ്ടുകൾ ഏകോപിപ്പിച്ച് മാസ്‌റ്റർ പ്ളാനിൽ നിർദേശിക്കുന്ന പദ്ധതികൾക്ക് ഉപയോഗിക്കും. ജില്ലാ ആശുപത്രി കോവിഡ് ആശുപത്രിയാക്കിയത് മൂലം രോഗികൾ ഏറെ ബുദ്ധിമുട്ടുകൾ അനുഭവിക്കുന്നുണ്ട്. ജനങ്ങളുടെ പ്രയാസങ്ങൾ പരിഹരിക്കാൻ ഉടൻ ജില്ലാ ആശുപത്രി പഴയ രീതിയിലേക്ക് കൊണ്ടുവരും.
യോഗത്തിൽ ആരോഗ്യ വിദ്യാഭ്യാസ സ്‌റ്റാൻഡിങ് കമ്മിറ്റി ചെയർമാൻ എം മുഹമ്മദ് ബഷീർ, പൊതുമരാമത്ത് സ്‌റ്റാൻഡിങ് കമ്മിറ്റി ചെയർപേഴ്‌സൺ ബീന ജോസ്, ക്ഷേമകാര്യ സ്‌റ്റാൻഡിങ് കമ്മിറ്റി ചെയർമാൻ ജുനൈദ് കൈപ്പാണി, ജില്ലാ പഞ്ചായത്ത് അംഗങ്ങളായ മീനാക്ഷി രാമൻ, ആർ വിജയൻ, എഎൻ സുശീല, ജില്ലാ ആശുപത്രി സൂപ്രണ്ട് ഡോ. എപി ദിനേശ്‌കുമാർ, ആർഎംഒ ഡോ. സി സക്കീർ എന്നിവർ സംബന്ധിച്ചു.
Read also: ആലപ്പുഴയിൽ വീണ്ടും പക്ഷിപ്പനി; ജാഗ്രതാ നിർദേശം
