കോട്ടയം: മീഡിയ വണ് ചാനലിന് വിലക്ക് ലഭിച്ചത് പാക്കിസ്ഥാന് ഗുണമുള്ള വാര്ത്തകള് നല്കിയതിനാൽ ആണെന്ന് ബിജെപി സംസ്ഥാന അധ്യക്ഷന് കെ സുരേന്ദ്രന്. കശ്മീർ വിഷയത്തില് കേന്ദ്ര സര്ക്കാരിന്റെ ഇടപെടല് ശരിയല്ലെന്നും ഇന്ത്യ കശ്മീരില് ഭീകര പ്രവര്ത്തനം നടത്തുകയാണെന്നും മീഡിയ വണ് വാര്ത്ത നൽകിയിരുന്നെന്ന് കെ സുരേന്ദ്രൻ ചൂണ്ടിക്കാട്ടി.
ഇത്തരം വാര്ത്തകള് പാക്കിസ്ഥാന് ഗുണം ഉണ്ടാക്കുകയാണ് ചെയ്യുന്നത്. അതിനാൽ രാജ്യ സുരക്ഷയെ ബാധിക്കുന്ന വാര്ത്തകള് ചെയ്യും മുന്നേ വിലക്കിനെ കുറിച്ച് ഓര്ക്കണമായിരുന്നെന്നും കെ സുരേന്ദ്രന് വാര്ത്താ സമ്മേളനത്തില് പറഞ്ഞു. എന്തുകൊണ്ട് വിലക്കിനുള്ള വ്യക്തമായ കാരണം അറിയിക്കുന്നില്ലെന്ന ചോദ്യത്തിന് ആഭ്യന്തര രഹസ്യങ്ങള് പത്രക്കാരോട് വിളിച്ചു പറയാന് കോടതിക്ക് കഴിയില്ല എന്നായിരുന്നു സുരേന്ദ്രന്റെ മറുപടി.
Read also: ഭിന്നിപ്പിച്ച് കൊള്ളയടിക്കുക എന്നതാണ് കോൺഗ്രസ് നയം; മോദി