കോഴിക്കോട്: സംസ്‌ഥാന തുറമുഖ, പുരാവസ്‌തു വകുപ്പ് മന്ത്രി അഹമ്മദ് ദേവർകോവിൽ മർകസിൽ ഇന്ത്യൻ ഗ്രാൻഡ് മുഫ്‌തി കാന്തപുരം എപി അബൂബക്കർ മുസ്‌ലിയാരെ സന്ദർശിക്കാനെത്തി.
സത്യപ്രതിജ്‌ഞക്ക് ശേഷം ആദ്യമായി കോഴിക്കോടെത്തിയ മന്ത്രി തനിക്ക് നൽകിയ പിന്തുണക്ക് നന്ദി പറയാനാണ് മർകസിൽ എത്തിയത്. ഐഎൻഎൽ സംസ്‌ഥാന ജനറൽ സെക്രട്ടറി കാസിം ഇരിക്കൂറും മന്ത്രിയെ അനുഗമിച്ചിരുന്നു. എസ്‌വൈഎസ്‌ സംസ്‌ഥാന ജനറൽ സെക്രട്ടറി ഡോ മുഹമ്മദ് അബ്‌ദുൽ ഹക്കിം അസ്ഹരി സംബന്ധിച്ചു. കൂടിക്കാഴ്‌ചക്ക് ശേഷം, തുറമുഖ-പൈതൃക പട്ടണമായ കോഴിക്കോടിന്റെ വികസനത്തിന് പ്രത്യേക പരിഗണന ഉണ്ടാകുമെന്ന പ്രതീക്ഷ കാന്തപുരം പങ്കുവച്ചു.
Most Read: ലക്ഷദ്വീപില്‍ ഫാസിസ്‌റ്റ് വൽക്കരണം: പ്രതിരോധിക്കുന്നവരെ വേട്ടയാടുന്നു
