ബാര്മര്: രാജസ്ഥാനില് പ്രായപൂര്ത്തിയാകാത്ത പെണ്കുട്ടിയെ ബലാല്സംഗത്തിന് ഇരയാക്കി കൊലപ്പെടുത്തി. ബാര്മര് ജില്ലയിലാണ് സംഭവം. മൂന്നുപേരാണ് സംഭവത്തിന് പിന്നിലെന്നും ഇതില് ഒരാളുടെ അറസ്റ്റ് രേഖപ്പെടുത്തിയതായും പോലീസ് അറിയിച്ചു.
കൊല്ലപ്പെട്ട പെണ്കുട്ടിയുടെ കുടുംബം നല്കിയ പരാതിയുടെ അടിസ്ഥാനത്തില് പോക്സോ നിയമപ്രകാരം സെക്ഷന് 376, 376-ഡി എന്നീ വകുപ്പുകള് ചുമത്തി മൂന്ന് പേര്ക്കെതിരെ കേസ് രജിസ്റ്റര് ചെയ്തിട്ടുണ്ട് എന്ന് ബാര്മര് പോലീസ് സൂപ്രണ്ട് ആനന്ദ് ശര്മ അറിയിച്ചു. ഇതില് ഒരു പ്രതിയെ അറസ്റ്റ് ചെയ്തുവെന്നും മറ്റ് രണ്ട് പേര് ഒളിവിലാണെന്നും അദ്ദേഹം പറഞ്ഞു.
തിങ്കളാഴ്ച രാവിലെ വീടിന് പുറകിലെ വയലിലാണ് 16കാരിയായ പെണ്കുട്ടിയുടെ മൃതദേഹം കണ്ടെത്തിയത്. സംഭവത്തില് അന്വേഷണം പുരോഗമിക്കുകയാണ് എന്ന് പോലീസ് സൂപ്രണ്ട് ആനന്ദ് ശര്മ വ്യക്തമാക്കി.
Read Also: കൊല്ലത്ത് നവജാതശിശു മരിച്ച സംഭവം; എട്ട് പേരുടെ ഡിഎൻഎ പരിശോധന നടത്തും