ന്യൂഡെൽഹി: ബ്രിട്ടണിൽ നടക്കുന്ന ജി7 ഉച്ചകോടിയിൽ പങ്കെടുക്കില്ലെന്ന് പ്രധാനമന്ത്രി നരേന്ദ്രമോദി. ജൂൺ 11-13 തീയതികളിലാണ് ജി7 യോഗം സംഘടിപ്പിച്ചിരിക്കുന്നത്. യുകെ പ്രധാനമന്ത്രി ബോറിസ് ജോൺസന്റെ ക്ഷണപ്രകാരം മോദി പ്രത്യേക ക്ഷണിതാവായിരുന്നു.
ജി7 ഉച്ചകോടിക്കായി മോദിയെ ക്ഷണിച്ചതിൽ ബോറിസ് ജോൺസണെ അഭിനന്ദിക്കുന്നു. എന്നാൽ, നിലവിൽ രാജ്യത്തെ കോവിഡ് സാഹചര്യം കണക്കിലെടുത്ത് പ്രധാനമന്ത്രി വ്യക്തിപരമായി യോഗത്തിൽ നിന്ന് പിൻമാറുകയാണെന്ന് വിദേശകാര്യ വക്താവ് അറിയിച്ചു.
യുഎസ്, ഇറ്റലി, ഇംഗ്ളണ്ട്, കാനഡ, ജർമനി, ഫ്രാൻസ്, ജപ്പാൻ എന്നിവയാണ് ജി7ലെ രാജ്യങ്ങൾ. ഇന്ത്യയെ കൂടാതെ ഓസ്ട്രേലിയ, ദക്ഷിണ കൊറിയ എന്നിവരെയും ബ്രിട്ടൺ പ്രത്യേകം ക്ഷണിച്ചിരുന്നു.
Also Read: ‘പ്രധാനമന്ത്രീ, താങ്കൾ സെൻട്രൽ വിസ്തയല്ലാതെ മറ്റൊന്നും കാണുന്നില്ല’; രാഹുൽ ഗാന്ധി