മൊബൈൽ ഫോണിനായി പിടിവലി കൂടുന്ന കുഞ്ഞിന്റെയും കുരങ്ങിന്റെയും വീഡിയോ വൈറലാകുന്നു. ഒരു കുരങ്ങന് പെണ്കുഞ്ഞിന്റെ കയ്യിൽ നിന്നും മൊബൈല് ഫോണ് പിടിച്ചു വാങ്ങാൻ ശ്രമിക്കുന്നതിന്റെ വീഡിയോ ഇൻസ്റ്റഗ്രാമിലാണ് പങ്കുവച്ചിരിക്കുന്നത്.
വീടിന് പുറത്തെ കട്ടിലില് ഇരുന്ന് മൊബൈലുമായി കളിക്കുകയാണ് കുഞ്ഞ്. ഈ സമയം കുഞ്ഞിന്റെ അടുത്തേക്ക് വന്ന കുരങ്ങൻ മൊബൈൽ ഫോൺ പിടിച്ചു വാങ്ങി തിരിച്ചും മറിച്ചും നോക്കുന്നത് വീഡിയോയിൽ കാണാം.
കുറച്ച് സമയം കഴിഞ്ഞും മൊബൈൽ തിരികെ നൽകുന്നത് കാണാത്തതിനെ തുടർന്ന് പെൺകുഞ്ഞ് കുരങ്ങിന്റെ കയ്യിൽ നിന്നും ഫോൺ പിടിച്ചു വാങ്ങി. ഇതുകണ്ട കുരങ്ങൻ ഉടൻ തന്നെ മൊബൈൽ കുഞ്ഞിന്റെ കയ്യിൽ നിന്നും വാങ്ങി രണ്ട് കൈകൾ കൊണ്ടും പൊതിഞ്ഞു പിടിച്ചു.
ഇൻസ്റ്റഗ്രാമില് ദശലക്ഷക്കണക്കിന് ആളുകളാണ് ഇതിനകം വീഡിയോ കണ്ടത്. 1.47 ലക്ഷം ഉപയോക്താക്കള് വീഡിയോ ലൈക്ക് ചെയ്യുകയും ചെയ്തു. മൊബൈല് ഫോണ് കുട്ടികള്ക്ക് കളിക്കാനുള്ളതല്ലെന്ന സന്ദേശം സമൂഹത്തിന് നൽകാനാണ് കുരങ്ങന് ശ്രമിക്കുന്നതെന്നാണ് ഒരാളുടെ രസകരമായ കമന്റ്.
View this post on Instagram
Most Read: മുടിക്ക് കരുത്തേകാൻ പേരയില; ചില ഹെയർ പാക്കുകളിതാ