കാസർഗോഡ്: കോവിഡ് നിയന്ത്രണങ്ങൾ കടുപ്പിക്കുന്നതിന്റെ ഭാഗമായി കൂടുതൽ റോഡുകൾ അടച്ച് കർണാടക. കാസർഗോഡ് എൻമഗജെ പഞ്ചായത്തിലെ കുന്നിമൂലയിൽ മണ്ണ് കൊണ്ടിട്ടാണ് വഴി അടച്ചത്. ഒഡ്യയിൽ ബാരിക്കേഡ് തീർത്ത് റോഡ് അടച്ചു. ദേലംപാടിയിലെ സലത്തടുക്ക പാഞ്ചോടി റോഡ് കെട്ടി അടക്കുകയും ചെയ്തിട്ടുണ്ട്.
കേരളത്തിൽ കോവിഡ് രോഗികളുടെ എണ്ണം കൂടുന്നതിലാനാണ് കർണാടക നിയന്ത്രണം കർശനമാക്കിയത്. കോവിഡ് നെഗറ്റീവ് സർട്ടിഫിക്കറ്റ് ഉള്ളവരെ മാത്രമാണ് ഇപ്പോൾ അതിർത്തി വഴി കടത്തിവിടുന്നത്. രണ്ട് ഡോസ് വാക്സിൻ എടുത്തവരാണെങ്കിലും പോലും യാത്രക്കാർ കോവിഡ് ഇല്ലെന്ന് സാക്ഷ്യപ്പെടുത്തുന്ന ആർടിപിസിആർ പരിശോധന ഫലം കരുതണം.
Read Also: ന്യൂനപക്ഷ സ്കോളർഷിപ്പ്; ഹൈക്കോടതി വിധിക്കെതിരെ അപ്പീൽ നൽകുമെന്ന് മുഖ്യമന്ത്രി