പാലക്കാട്: തൃത്താല ആലൂരില്‍ അമ്മയെയും രണ്ടു മക്കളെയും വീട്ടുകിണറ്റില്‍ മരിച്ച നിലയില്‍ കണ്ടെത്തി. ആട്ടയില്‍പടി കുട്ടിഅയ്യപ്പന്‍ മകള്‍ ശ്രീജ (28), മക്കളായ അഭിഷേക് (6), അഭിനവ് (4) എന്നിവരാണ് മരിച്ചത്.
ചൊവ്വാഴ്‌ച അഞ്ച് മണി മുതല്‍ ശ്രീജയേയും മക്കളേയും വീട്ടില്‍ നിന്നും കാണാതായതായി കാണിച്ച്‌ വീട്ടുകാര്‍ തൃത്താല പോലീസില്‍ പരാതി നൽകിയിരുന്നു. തുടര്‍ന്ന് ഇന്നു രാവിലെ ബന്ധുക്കള്‍ മൂത്ത കുട്ടിയുടെ മൃതദേഹം കിണറ്റിലെ വെള്ളത്തില്‍ പൊന്തി കിടക്കുന്ന നിലയില്‍ കണ്ടെത്തുക ആയിരുന്നു.
പിന്നാലെ ഷൊര്‍ണ്ണൂരില്‍ നിന്നുള്ള ഫയര്‍ഫോഴ്‌സ് സംഘം എത്തി മൂവരുടേയും മൃതദേഹം പുറത്തെടുത്തു. പാലക്കാട് ജില്ലാ ആശുപത്രിയിലേക്ക് മൃതദേഹം കൊണ്ടുപോയി. ഷൊര്‍ണ്ണൂര്‍ ഡിവൈഎസ്‌പി മുരളീധരന്‍, തൃത്താല സിഐ വിജയകുമാര്‍ എന്നിവരും സ്‌ഥലത്തെത്തി.
മേഴത്തൂര്‍ സ്വദേശി യതീന്ദ്രനാണ് മരിച്ച ശ്രീജയുടെ ഭര്‍ത്താവ്. കഴിഞ്ഞ നാല് മാസമായി ശ്രീജ ഭര്‍ത്താവുമായി അകല്‍ച്ചയിലാണെന്നും ഇരുവരും തമ്മിൽ വഴക്കിടല്‍ പതിവാണെന്നും നാട്ടുകാര്‍ പറയുന്നു.
Malabar News: വിദ്യാര്‍ഥിനിക്ക് നേരെ ലൈംഗികാതിക്രമം; യുവാവ് പിടിയില്‍
