ഇടുക്കി: തോപ്രാംകുടിയിൽ പിഞ്ചുകുഞ്ഞിനെ കൊലപ്പെടുത്തിയ ശേഷം അമ്മ ജീവനൊടുക്കി. ഇടുക്കി തോപ്രാംകുടി സ്‌കൂൾ സിറ്റി പുത്തൻപുരയ്ക്കൽ ഡീനു ലൂയിസ് (35) ആണ് മരിച്ചത്. ഏഴ് മാസം പ്രായമായ കുഞ്ഞിനെ കൊലപ്പെടുത്തിയ ശേഷമാണ് ഡീനു ജീവനൊടുക്കിയത്.
ഇന്ന് രാവിലെ ഡീനുവിനേയും കുഞ്ഞിനേയും അവശ നിലയിൽ കണ്ടെത്തിയ ബന്ധുക്കൾ ഇവരെ ഇടുക്കി മെഡിക്കൽ കോളേജ് ആശുപത്രിയിൽ എത്തിച്ചിരുന്നു. എന്നാൽ, ആശുപത്രിയിൽ എത്തിച്ചപ്പോഴേക്കും ഇരുവരും മരിച്ചിരുന്നു. ഡീനുവിന് മാനസിക വെല്ലുവിളി ഉണ്ടായിരുന്നുവെന്ന് നാട്ടുകാർ പറയുന്നു.
അഞ്ചുമാസം മുമ്പ് ഡീനുവിന്റെ ഭർത്താവ് ലൂയിസ് ആത്‍മഹത്യ ചെയ്‌തിരുന്നു. ലൂയിസിനും ചില മാനസിക വെല്ലുവിളികൾ ഉണ്ടായിരുന്നതായും നാട്ടുകാർ പറയുന്നു. അമ്മയുടേയും കുഞ്ഞിന്റേയും മരണത്തിൽ പോലീസ് കേസെടുത്തിട്ടുണ്ട്.
Most Read| വാണിജ്യ പാചകവാതക സിലിണ്ടറിന്റെ വില കൂട്ടി; ഇന്ന് മുതൽ പ്രാബല്യത്തിൽ
