കാസർഗോഡ്: കോൺഗ്രസ് എംപി രാഹുൽ ഗാന്ധിക്കെതിരായ ഇടുക്കി മുൻ എംപി ജോയ്സ് ജോർജ് നടത്തിയ പരാമര്ശത്തിനെതിരെ രൂക്ഷ പ്രതികരണവുമായി കെപിസിസി പ്രസിഡണ്ട് മുല്ലപ്പള്ളി രാമചന്ദ്രൻ. അങ്ങേ അറ്റം പ്രതിഷേധാര്ഹമായ പരാമര്ശം ആണ് ജോയ്സ് ജോർജിന്റെ ഭാഗത്ത് നിന്ന് ഉണ്ടായത്. പരസ്യമായി മാപ്പ് പറയാൻ ജോയ്സ് ജോർജ് തയ്യാറാകണമെന്നും മുല്ലപ്പള്ളി കാസർഗോഡ് ആവശ്യപ്പെട്ടു.
ജോയ്സ് ജോർജിനെതിരെ ശക്തമായ പ്രക്ഷോഭം കോൺഗ്രസ് സംഘടിപ്പിക്കുമെന്നും മുല്ലപ്പള്ളി പറഞ്ഞു. ജോയ്സ് ജോർജിനെതിരെ എന്ത് നടപടിയാണ് മുഖ്യമന്ത്രിയും മുന്നണിയും സ്വീകരിക്കാൻ പോകുന്നതെന്നും മുല്ലപ്പള്ളി ചോദിച്ചു.
മുഖ്യമന്ത്രിയുടെ തിരഞ്ഞെടുപ്പ് പരിപാടിക്കെതിരെയും മുല്ലപ്പള്ളി രൂക്ഷ വിമർശനമാണ് ഉന്നയിച്ചത്. പൊതുയോഗങ്ങൾക്ക് കൃത്രിമമായി ആളെ കൂട്ടുന്നു. മൂന്ന് മണ്ഡലങ്ങളിൽ നിന്നുള്ള പ്രവര്ത്തകരെ ആണ് ആളെ കൂട്ടാൻ വേണ്ടി ഓരോ പൊതുയോഗത്തിലും കൊണ്ടുവരുന്നതെന്നും മുല്ലപ്പള്ളി ആരോപിച്ചു.
Also Read: ഇരട്ടവോട്ട് തടയാൻ നാലിന നിര്ദേശങ്ങളുമായി ഹൈക്കോടതിയിൽ ചെന്നിത്തല