മുംബൈ: സയ്യിദ് മുഷ്‌താഖ്‌ അലി ട്രോഫിയിലെ നിർണായക മൽസരത്തിൽ ഇന്ന് കേരളം ഹരിയാനയെ നേരിടും. നാല് കളികളിൽ മൂന്ന് ജയം നേടിയ കേരളത്തിന് ഇന്ന് ജയിക്കേണ്ടത് അനിവാര്യമാണ്. അതേസമയം നാല് കളികളും ജയിച്ച ഹരിയാനയാകട്ടെ ഗ്രൂപ്പിൽ ഒന്നാമതാണ്. ക്വാർട്ടർ ഫൈനൽ ഉറപ്പാക്കാനാവും ഇരുടീമുകളും ഇന്ന് കളത്തിൽ ഇറങ്ങുക.
റൺനിരക്കിൽ ഹരിയാന മുന്നിൽ ആയതിനാൽ തകർപ്പൻ ജയം നേടിയാലേ കേരളത്തിന് ക്വാർട്ടർ ഫൈനൽ സാധ്യതയുള്ളൂ. അഞ്ച് എലൈറ്റ് ഗ്രൂപ്പിലെയും ഒരു പ്ളേറ്റ് ഗ്രൂപ്പിലെയും ഒന്നാം സ്‌ഥാനക്കാരും എലൈറ്റ് ഗ്രൂപ്പിൽ ഏറ്റവും മികച്ച റൺനിരക്കുള്ള രണ്ട് രണ്ടാം സ്‌ഥാനക്കാരുമാണ് നോക്കൗട്ട് റൗണ്ടിലേക്ക് മുന്നേറുക. പഞ്ചാബ്, തമിഴ്‌നാട്, ബറോഡ, രാജസ്‌ഥാന്‍, ബിഹാര്‍, എന്നിവരാണ് മറ്റ് ഗ്രൂപ്പുകളില്‍ ഒന്നാം സ്‌ഥാനത്ത്. 12 മണിക്ക് വാംഖഡെ സ്‌റ്റേഡിയത്തിൽ വച്ചാണ് മൽസരം നടക്കുന്നത്.
Read Also: കാല്‍പന്തിന്റെ മലപ്പുറം പെരുമ; കാരപ്പുറം സ്വദേശി 15കാരൻ ഷാഹിദ് അഫ്രീദി ബംഗളൂരു എഫ്‌സിയിലേക്ക്
