മലപ്പുറം: മുസ്ലിം ലീഗ് ഉന്നതാധികാര സമിതി യോഗം ഇന്ന് മലപ്പുറത്ത് ചേരും. തദ്ദേശ ഭരണ തിരഞ്ഞെടുപ്പിനുള്ള ഒരുക്കങ്ങൾ വിലയിരുത്താനാണ് യോഗം. പാണക്കാട് ഹൈദരലി ശിഹാബ് തങ്ങളുടെ വീട്ടിൽ ചേരുന്ന യോഗത്തിൽ എംസി കമറുദ്ദീൻ എംഎൽഎയുടെ അറസ്റ്റ്, കെഎം ഷാജിക്ക് എതിരായ അന്വേഷണം എന്നിവയും ചർച്ചയാകും. സംസ്ഥാന പ്രസിഡണ്ട് പാണക്കാട് ഹൈദരലി ശിഹാബ് തങ്ങൾ, പികെ കുഞ്ഞാലിക്കുട്ടി എംപി, പാണക്കാട് സാദിഖലി ശിഹാബ് തങ്ങൾ, കെപിഎ മജീദ് എന്നിവർ നേരിട്ടും ബാക്കി നേതാക്കൾ ഓൺലൈനായും യോഗത്തിൽ പങ്കെടുക്കും.
എംസി കമറുദ്ദീന്റെ അറസ്റ്റ് രാഷ്ട്രീയ പ്രേരിതമാണെന്ന നിലപാടിലാണ് മുസ്ലിം ലീഗ്. കമറുദ്ദീന്റെ അറസ്റ്റിന് പിന്നാലെ ചേർന്ന യോഗത്തിൽ അദ്ദേഹം രാജിവെക്കേണ്ടെന്ന നിലപാടാണ് സ്വീകരിച്ചത്.
Malabar News: മണ്ണാർക്കാട് താലൂക്കാശുപത്രിയിൽ ഇനിമുതൽ രാത്രിയിലും ഡയാലിസിസ് ചെയ്യാം