കോഴിക്കോട്: മുസ്ലിംലീഗ് ദേശീയ രാഷ്ട്രീയ കാര്യോപദേശക സമിതി യോഗം ഇന്ന് രാവിലെ 10 മണിക്ക് കോഴിക്കോട് നടക്കും. ദേശീയ ഭാരവാഹികളാണ് യോഗത്തില് പങ്കെടുക്കുന്നതെന്ന് അഖിലേന്ത്യ സെക്രട്ടറി ഇടി മുഹമ്മദ് ബഷീര് എംപി പറഞ്ഞു.
കേരളം, തമിഴ്നാട് ഉള്പ്പടെയുള്ള സംസ്ഥാന നിയമ സഭാ തിരഞ്ഞെടുപ്പിന് സ്വീകരിക്കേണ്ട രാഷ്ട്രീയ നയമാണ് പ്രധാന അജണ്ട. കേന്ദ്ര സര്ക്കാര് വിരുദ്ധ പ്രക്ഷോഭം, കര്ഷക സമരം, സംവരണ വിഷയം, ക്രൈസ്തവ സഭയുടെ ആശങ്ക അകറ്റാനുള്ള സംഭാഷണം തുടങ്ങിയ പൊതു വിഷയങ്ങള് ഉള്പ്പടെ യോഗത്തില് ചര്ച്ചയാകും.