കോഴിക്കോട്: റമദാന് നോമ്പു കാലത്ത് നിയമസഭാ തിരഞ്ഞെടുപ്പ് നടത്തരുതെന്ന് കമ്മീഷനോട് ആവശ്യപ്പെടുമെന്ന് മുസ്ലിം ലീഗ് ദേശീയ നിര്വാഹക സമിതി. ഗള്ഫുകാരെ മാത്രം പ്രവാസി വോട്ടവകാശത്തില് നിന്ന് ഒഴിവാക്കിയത് ശരിയല്ലെന്നും മുസ്ലിം ലീഗ് വിമര്ശിച്ചു.
നോമ്പ് കാലത്ത് തിരഞ്ഞെടുപ്പ് നടത്തിയാല് പ്രവര്ത്തകര്ക്കും സ്ഥാനാര്ഥികള്ക്കും ഒരു പോലെ പ്രയാസമാകുമെന്ന് ഇടി മുഹമ്മദ് ബഷീര് എംപി യോഗത്തിന് ശേഷം പറഞ്ഞു. കൂടാതെ എന്ആര്സി നടപടി നിര്ത്തിവെക്കണമെന്നും ആസാമിലെ ജനങ്ങളെ ഇന്ത്യന് പൗരൻമാരായി പരിഗണിക്കണമെന്നും അദ്ദേഹം കൂട്ടിച്ചേര്ത്തു.
ദേശീയ ജനറല് സെക്രട്ടറി പികെ കുഞ്ഞാലിക്കുട്ടി എംപിയുടെ പ്രവര്ത്തനം കേരളത്തിലേക്കു മാറ്റാനുള്ള സംസ്ഥാന കമ്മിറ്റി തീരുമാനത്തെ ദേശീയ നിര്വാഹക സമിതി അംഗീകരിച്ചു. ദേശീയ തലത്തിലും സംസ്ഥാനങ്ങളിലും വരുന്ന വിവാദ നിയമങ്ങളെ നിയമപരമായി ചോദ്യം ചെയ്യുമെന്നും യോഗം പ്രഖ്യാപിച്ചു.
Read also: എകെ ശശീന്ദ്രനെ കോണ്ഗ്രസ് എസിന്റെ ഭാഗമാക്കാന് കടന്നപ്പള്ളി രാമചന്ദ്രന്