സ്വന്തം ദേശീയ റെക്കോർഡ് വീണ്ടും തിരുത്തി നീരജ് ചോപ്ര

By News Bureau, Malabar News

സ്‌റ്റോക്ഹോം: ഡയമണ്ട് ലീഗിൽ ഇന്ത്യയുടെ നീരജ് ചോപ്ര ജാവലിൻ ത്രോയിൽ ദേശീയ റെക്കോർഡോടെ വെള്ളി മെഡൽ സ്വന്തമാക്കി. 89.94 മീറ്റർ ദൂരം താണ്ടിയാണ് ചോപ്ര രണ്ടാം സ്‌ഥാനത്തെത്തിയത്. 90.31 മീറ്റർ ദൂരം കണ്ടെത്തിയ ലോക ചാമ്പ്യൻ ആൻഡേഴ്സൺ പീറ്റേഴ്സ് സ്വർണമെഡൽ നേടി. മൂന്നാം ശ്രമത്തിലാണ് പീറ്റേഴ്സൺ സ്വർണം എറിഞ്ഞിട്ടത്.

അതേസമയം ഈ വർഷം രണ്ടാം തവണയാണ് നീരജ് സ്വന്തം ദേശീയ റെക്കോർഡ് തിരുത്തുന്നത്. കഴിഞ്ഞ മാസം പാവോ നൂർമി ഗെയിംസിൽ കുറിച്ച 89.30 മീറ്ററിന്റെ റെക്കോര്‍ഡാണ് സ്‌റ്റോക്ഹോമില്‍ നീരജ് മറികടന്നത്.

ആദ്യ ശ്രമത്തില്‍ നീരജ് 89.94 മീറ്റര്‍ ദൂരം പിന്നിട്ടുവെങ്കിലും പിന്നീട് പ്രകടനം മെച്ചപ്പെടുത്താൻ കഴിഞ്ഞില്ല. 89.08 മീറ്റര്‍ ദൂരം താണ്ടിയ ജര്‍മനിയുടെ ജൂലിയന്‍ വെബ്ബര്‍ മൂന്നാ സ്‌ഥാനത്തെത്തി. ആദ്യ റൗണ്ട് പോരാട്ടം കഴിഞ്ഞപ്പോള്‍ നീരജ് ആയിരുന്നു ഒന്നാമത്. യാക്കൂബ് വാള്‍ഡെക്ക്(88.59), ആന്‍ഡേഴ്സണ്‍ പീറ്റേഴ്സ്(86.39) എന്നിവർ നീരജിന് പിന്നിലായിരുന്നു.

രണ്ടാം ശ്രമത്തില്‍ 84.37 മീറ്ററും മൂന്നാം ശ്രമത്തില്‍ 87.46 മീറ്ററും എറിയാനെ നീരജിനായുള്ളു. ആദ്യ ശ്രമത്തില്‍ 89.94 മീറ്റര്‍ ദൂരം താണ്ടിയപ്പോള്‍ നീരജ് 2006ല്‍ നോര്‍വീജിയന്‍ താരം ആന്‍ഡ്രിയാസ് തോര്‍കില്‍ഡ്സെന്‍ കുറിച്ച മീറ്റ് റെക്കോര്‍ഡ്(89.78 മീറ്റര്‍) തിരുത്തിയിരുന്നു. എന്നാൽ പിന്നീട് ഈ റെക്കോർഡ് തിരുത്തി പീറ്റേഴ്സൺ സ്വർണം നേടുകയായിരുന്നു.

Most Read: യുഎസ് സുപ്രീംകോടതി ജസ്‌റ്റിസായി കെറ്റാന്‍ജി; പദവിയിലെത്തുന്ന ആദ്യ കറുത്ത വംശജ 

LEAVE A REPLY

Please enter your comment!
Please enter your name here

പ്രതികരണം രേഖപ്പെടുത്തുക

അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.

YOU MAY LIKE