തിരുവനന്തപുരം: അയൽവാസി പെട്രോൾ ബോംബെറിഞ്ഞ് കൊലപ്പെടുത്താൻ ശ്രമിച്ച ഭിന്നശേഷിക്കാരന്റെ നില ഗുരുതരം. നെയ്യാറ്റിൻകര അരുവിയോട് സ്വദേശി 47കാരനായ വര്‍ഗീസാണ് ഗുരുതരാവസ്‌ഥയിൽ മെഡിക്കൽ കോളേജ് ആശുപത്രിയിൽ ചികിൽസയിൽ കഴിയുന്നത്. വർഗീസിന്റെ അയൽവാസി സെബാസ്‌റ്റിയനാണ് വീട്ടിലേക്ക് ബോംബെറിഞ്ഞത്.
ബുധനാഴ്‌ച രാവിലെയാണ് സംഭവം. അയൽവാസികളായ വർഗീസും സെബാസ്‌റ്റിയനും തമ്മിൽ സ്വരച്ചേർച്ചയിൽ അല്ലായിരുന്നു. ഇരുവരും തമ്മിലുണ്ടായ വഴക്കിനെ തുടർന്ന് സെബാസ്‌റ്റിയൻ വർഗീസിന്റെ വീട്ടിലേക്ക് പെട്രോൾ ബോംബ് എറിയുകയായിരുന്നു.
ബോംബ് പൊട്ടിയതോടെ തീ പടര്‍ന്നു. ശരീരമാസകലം പൊള്ളലേറ്റ വർഗീസ് ബേൺസ് ഐസിയുവിൽ ചികിൽസയിലാണ്. 85 ശതമാനത്തിലധികം പൊള്ളലേറ്റതായാണ് വിവരം. നാട്ടുകാരാണ് വര്‍ഗീസിനെ ആശുപത്രിയിലെത്തിച്ചത്.
Read Also: മണി ചെയിൻ മാതൃകയിൽ കോടികളുടെ നിക്ഷേപ തട്ടിപ്പ്; രണ്ട് പേർ പിടിയിൽ
