തൃശൂർ: ആളും ആരവവുമായി ഇത്തവണത്തെ തൃശൂർ പൂരത്തിന്റെ ചടങ്ങുകൾ പൂർത്തിയായി. ഇനി അടുത്ത വർഷത്തെ പൂരത്തിനായുള്ള കാത്തിരിപ്പ് തുടങ്ങുകയാണ്. അടുത്ത വർഷം ഏപ്രിൽ 30ആം തീയതിയാണ് തൃശൂർ പൂരം. പൂര വിളംബരം ഏപ്രിൽ 29ആം തീയതിയും, പകൽപ്പൂരം മെയ് 1ആം തീയതിയും നടക്കും.
അതേസമയം കനത്ത മഴയെ തുടർന്ന് മാറ്റിവച്ച ഇത്തവണത്തെ തൃശൂർ പൂരത്തിന്റെ വെടിക്കെട്ട് ഇന്ന് വൈകുന്നേരം 7 മണിയോടെ നടക്കും. കുടമാറ്റത്തിന്റെ സമയത്തുൾപ്പടെ തൃശൂരിൽ ഇന്നലെ കനത്ത മഴയായിരുന്നു. എന്നാൽ മഴയെ അവഗണിച്ച് കുടമാറ്റം നടന്നെങ്കിലും വെടിക്കെട്ട് നടത്താൻ മഴ തടസം സൃഷ്ടിച്ചു. തുടർന്നാണ് ഇന്ന് വൈകുന്നേരം 7 മണിക്ക് വെടിക്കെട്ട് നടത്താൻ തീരുമാനമായത്.
Read also: മണ്ണാർക്കാട് ഇരട്ടക്കൊല; പ്രതികൾ കുറ്റക്കാരാണെന്ന് കോടതി-ശിക്ഷ മറ്റന്നാൾ