യുഎഇ : കോവിഡ് വ്യാപനത്തെ തുടര്ന്ന് യുഎഇ ല് നിന്ന് ഇന്ത്യയിലേക്ക് മടങ്ങുന്ന ആളുകള് കോണ്സുലേറ്റിലും എംബസിയിലും രജിസ്റ്റര് ചെയ്യണമെന്ന നിബന്ധന ഒഴിവാക്കി. വന്ദേ ഭാരത് മിഷന്റെ ഭാഗമായി യുഎഇ ല് നിന്നും ആളുകളെ ഇന്ത്യയിലേക്ക് എത്തിച്ചു തുടങ്ങിയപ്പോള് മുതലാണ് ഇന്ത്യക്കാര് രജിസ്റ്റര് ചെയ്യണമെന്ന നിബന്ധന വച്ചത്. എന്നാല് ഇപ്പോള് ഇന്ത്യ-യുഎഇ എയര് ബബിള് കരാറിന്റെ അടിസ്ഥാനത്തിലാണ് രജിസ്റ്റര് ചെയ്യണമെന്ന നിബന്ധന ഒഴിവാക്കിയത്.
ഈ നിബന്ധന മൂലം സാങ്കേതികമായ അറിവുകള് ഇല്ലാത്ത ആളുകള് വളരെയധികം ബുദ്ധിമുട്ടിയിരുന്നു. ഇനി മുതല് യുഎഇ ല് നിന്നും മടങ്ങുന്ന ഇന്ത്യക്കാര്ക്ക് എയര് ഇന്ത്യയുടേയോ എയര് ഇന്ത്യ എക്സ്പ്രെസ്സിന്റെയോ സര്വീസുകളിലേക്ക് നേരിട്ട് ടിക്കറ്റ് ബുക്ക് ചെയ്യാം. അല്ലാത്തവര്ക്ക് ട്രാവല് ഏജന്സികൾ വഴിയും ടിക്കറ്റ് ബുക്ക് ചെയ്യാന് സാധിക്കും. ഒപ്പം തന്നെ കോവിഡ് പരിശോധനാഫലം ഇല്ലെങ്കിലും യാത്രക്ക് 96 മണിക്കൂര് മുന്പ് നടത്തിയ പിസിആര് പരിശോധനാഫലം ഇന്സ്റ്റിറ്റ്യുഷണൽ ക്വാറന്റൈന് ഒഴിവാക്കാന് സഹായിക്കും.
യുഎഇ ലേക്ക് മടങ്ങുന്ന ആളുകള്ക്ക് ഇന്ത്യയുടെ ഭാഗത്തു നിന്നും തടസ്സങ്ങള് ഒന്നും തന്നെയില്ലെന്നും പക്ഷെ അതത് എമിറേറ്റുകള് നല്കുന്ന മാര്ഗ്ഗനിര്ദ്ദേശങ്ങള് പാലിക്കേണ്ടത് അനിവാര്യമാണെന്നും അധികൃതര് വ്യക്തമാക്കി.