തിരുവനന്തപുരം: സംസ്‌ഥാനത്ത് ഫെബ്രുവരി 6ആം തീയതി കോവിഡ് വ്യാപനത്തെ തുടർന്ന് കർശന നിയന്ത്രണങ്ങൾ ഏർപ്പെടുത്തിയിട്ടുണ്ടെങ്കിലും സ്‌റ്റാഫ്‌ സെലക്ഷൻ കമ്മീഷൻ പരീക്ഷ നിശ്‌ചയിച്ച പ്രകാരം തന്നെ നടക്കും. പരീക്ഷ എഴുതുന്ന ഉദ്യോഗാർഥികൾക്കും പരീക്ഷാ ചുമതലയുള്ള ജീവനക്കാർക്കും യാത്രാ തടസം ഉണ്ടാകില്ലെന്ന് വ്യക്‌തമാക്കി പൊതുഭരണ വകുപ്പ്.
ഉദ്യോഗാർഥികൾക്കും പരീക്ഷാ ചുമതലയുള്ള ജീവനക്കാർക്കും തടസമില്ലാതെ യാത്ര ചെയ്യുന്നതിനുള്ള ക്രമീകരണങ്ങൾ സജ്‌ജമാക്കാൻ സംസ്‌ഥാന പോലീസ് മേധാവിക്ക് നിർദ്ദേശം നൽകിയിട്ടുണ്ട്. കേരളത്തിൽ തിരുവനന്തപുരം, കൊച്ചി, തൃശൂർ, കോഴിക്കോട് എന്നിവിടങ്ങളിലാണ് കമ്പൈൻഡ് ഗ്രാജുവേറ്റ് ലെവൽ ടയർ-3 വിവാരണാത്‌മക പരീക്ഷ നടക്കുന്നത്.
രാവിലെ 11 മുതൽ 12 മണി വരെയാണ് പരീക്ഷ. ഉദ്യോഗാർഥികൾക്ക് ഇ-അഡ്മിറ്റ് കാർഡ്, ഹാൾ ടിക്കറ്റ് എന്നിവയും, പരീക്ഷാ ഡ്യൂട്ടിയുള്ള ജീവനക്കാർക്ക് ഓഫിസ്/കോളജ് തിരിച്ചറിയൽ രേഖയും ഈ ആവശ്യത്തിന് മാത്രം യാത്രാ രേഖയായി കാണിക്കാമെന്ന് അധികൃതർ നിർദ്ദേശം നൽകി.
Read also: ഗാൽവാനിൽ കൊല്ലപ്പെട്ടത് 38 ചൈനീസ് സൈനികരെന്ന് പുതിയ റിപ്പോർട്
