തിരുവനന്തപുരം: സംസ്ഥാനത്തെ തിയേറ്ററുകൾ പ്രവർത്തിക്കുന്നതിൽ നിലവിൽ യാതൊരു തടസവും ഇല്ലെന്ന് ഹൈക്കോടതിയെ അറിയിച്ച് സംസ്ഥാന സർക്കാർ. കോവിഡ് സംബന്ധിച്ച തരംതിരിവിൽ നിലവിൽ ഒരു ജില്ലയും സി കാറ്റഗറിയിൽ ഇല്ലാത്തതിനാലാണ് ഇപ്പോൾ തിയേറ്ററുകൾ പ്രവർത്തിക്കുന്നതിൽ തടസമില്ലെന്ന് സർക്കാർ അറിയിച്ചത്.
കോവിഡ് വ്യാപനം രൂക്ഷമായ സി കാറ്റഗറി ജില്ലകളിൽ തിയേറ്ററുകൾ അടച്ചിടാനുള്ള സർക്കാർ ഉത്തരവിനെതിരെ തിയേറ്റർ ഉടമകളുടെ സംഘടനയായ ഫിയോക് സമർപ്പിച്ച ഹരജിയിലാണ് സർക്കാർ നിലപാട് അറിയിച്ചത്. ബാർ ഹോട്ടലുകൾക്കും, റെസ്റ്റോറന്റുകൾക്കും ഇല്ലാത്ത നിയന്ത്രണമാണ് തിയേറ്ററുകൾക്ക് ഏർപ്പെടുത്തിയിരിക്കുന്നത് എന്നാണ് ഹരജിക്കാർ ആരോപിക്കുന്നത്.
ജസ്റ്റിസ് എൻ നഗരേഷ് ഹരജി ഫയലിൽ സ്വീകരിച്ചു. കൂടാതെ മറുപടി ഉൾപ്പെടുത്തി സത്യവാങ്മൂലം സമർപ്പിക്കണമെന്നും കോടതി സർക്കാരിന് നിർദ്ദേശം നൽകിയിട്ടുണ്ട്.
Read also: റിട്ട.പോലീസ് ഉദ്യോഗസ്ഥർ ലക്ഷങ്ങൾ തട്ടിയെടുത്തതായി പരാതി; അന്വേഷണം തുടങ്ങി