ന്യൂഡെൽഹി: കോവിഡ് 19 രോഗവ്യാപനത്തിന്റെ പശ്‌ചാത്തലത്തിൽ കഴിഞ്ഞ വർഷം കേന്ദ്രീയ വിദ്യാലയങ്ങളിൽ പുതിയ അധ്യാപക നിയമനങ്ങൾ നടന്നിട്ടില്ലെന്ന് കേന്ദ്ര വിദ്യാഭ്യാസ മന്ത്രി രമേഷ് പൊഖ്‌റിയാൽ. എന്നാൽ ജവഹർ നവോദയ വിദ്യാലയങ്ങളിൽ 572 പുതിയ അധ്യാപക നിയമനങ്ങൾ നടന്നതായും അദ്ദേഹം ലോക്‌സഭയിൽ വ്യക്‌തമാക്കി.
കേന്ദ്രീയ വിദ്യാലയങ്ങളിൽ അകെ 40,662 അധ്യാപകരും ജവഹർ നവോദയ വിദ്യാലയങ്ങളിൽ 11,808 അധ്യാപകരുമാണ് നിലവിലുള്ളത്. പുതിയ കേന്ദ്രീയ വിദ്യാലയങ്ങളും നവോദയ വിദ്യാലയങ്ങളും അനുവദിക്കുന്നത് സംബന്ധിച്ച ചോദ്യത്തിന് കേന്ദ്ര സർക്കാർ മന്ത്രാലയങ്ങൾ, ഡിപ്പാർട്‌മെന്റുകൾ/ സംസ്‌ഥാന സർക്കാർ/ കേന്ദ്ര ഭരണ പ്രദേശങ്ങൾ എന്നിവയിൽ നിന്ന് ആവശ്യമായ സ്‌ഥലം, സ്‌കൂൾ നിർമാണത്തിനുള്ള എല്ലാ മാനദണ്ഡങ്ങളും പാലിക്കുന്ന സൗകര്യങ്ങൾ എന്നിവ ലഭിക്കുന്ന മുറക്ക് പ്രൊപ്പോസലുകൾ ക്ഷണിച്ച് മാത്രമേ നടപ്പാക്കുവെന്നും മന്ത്രി മറുപടി നൽകി.
Read also: പേരാമ്പ്രയിൽ സിഎച്ച് ഇബ്രാഹിം കുട്ടി യുഡിഎഫ് സ്വതന്ത്രൻ
