കോഴിക്കോട്: ജില്ലയിലെ പേരാമ്പ്ര മണ്ഡലത്തിൽ യുഡിഎഫ് സ്ഥാനാർഥിയെ പ്രഖ്യാപിച്ചു. സിഎച്ച് ഇബ്രാഹിം കുട്ടി യുഡിഎഫ് സ്വതന്ത്രനായി മണ്ഡലത്തിൽ മൽസരിക്കും. സ്ഥാനാർഥിയുടെ പേര് ഔദ്യോഗികമായി മുസ്ലിം ലീഗ് സംസ്ഥാന പ്രസിഡണ്ട് ഹൈദരലി ശിഹാബ് തങ്ങള് പ്രഖ്യാപിച്ചു.
ഇബ്രാഹിം കുട്ടിയെ മൽസരിപ്പിക്കണം എന്ന് പ്രാദേശിക തലത്തില് നിന്ന് ആവശ്യപ്പെട്ടതായി ഹൈദരലി തങ്ങള് പുറത്തിറക്കിയ വാര്ത്താ കുറിപ്പില് പറയുന്നു.
ലോക കേരള സഭ അംഗവും വിദ്യാഭ്യാസ പ്രവര്ത്തകനുമായ ഇബ്രാഹിം കുട്ടി പേരാമ്പ്ര കടിയങ്ങാട് സ്വദേശിയാണ്. നേരത്തെ സ്ഥാനാർഥി നിർണയത്തിൽ എതിർപ്പ് പ്രകടിപ്പിച്ച് മുസ്ലിം ലീഗ് പ്രവർത്തകർ തന്നെ രംഗത്ത് വന്നിരുന്നു. പേരാമ്പ്രയില് പേയ്ഡ് സീറ്റാണെന്ന ആരോപണമാണ് ഇവർ മുന്നോട്ട് വെച്ചിരുന്നത്.
Read also: പേരാമ്പ്ര മണ്ഡലം; പ്രതിസന്ധി ഒഴിയാതെ യുഡിഎഫ് സ്ഥാനാർഥി നിർണയം