ശ്രീനഗർ: ലഷ്കർ-ഇ-തൊയ്ബയുടെ ടോപ് കമാൻഡർ നദീം അബ്രാർ ബഡ്ഗമിൽ വച്ച് പോലീസ് പിടിയിലായി. കശ്മീർ ഐജി വിജയ് കുമാർ, നദീം അബ്രാറിന്റെ അറസ്റ്റ് വാർത്ത സ്ഥിരീകരിച്ചു. നടപടി കശ്മീരിലെ ഭീകരവാദ വിരുദ്ധ പ്രവർത്തനങ്ങളുടെ വലിയ വിജയമാണെന്ന് അദ്ദേഹം പറഞ്ഞു.
Top LeT commander Nadeem Abrar #arrested. He was involved in several #killings. Big success for us: IGP Kashmir @JmuKmrPolice
— Kashmir Zone Police (@KashmirPolice) June 28, 2021
ബഡ്ഗം സ്വദേശിയായ നദീം അബ്രാർ ലഷ്കർ ഉന്നത കമാൻഡർ യൂസഫ് കാന്ത്രുവിന്റെ അടുത്ത സഹായിയാണ്. കശ്മീർ താഴ്വരയിൽ നടന്ന നിരവധി കൊലപാതകങ്ങളിൽ ഇയാൾക്ക് പങ്കുണ്ടെന്നാണ് പോലീസ് റിപ്പോർട്. ഈ വർഷം തുടക്കത്തിൽ ലവായ്പോരിൽ വച്ച് മൂന്ന് സിആർപിഎഫ് ജവാൻമാർ കൊല്ലപ്പെട്ട സംഭവത്തിൽ ഇയാൾക്ക് പങ്കുണ്ടെന്നാണ് പോലീസ് പറയുന്നത്.
പാരിംപോറയിലെ ഒരു ചെക്ക് പോയിന്റിൽ വെച്ച് സുരക്ഷാ സേന അബ്രാറിനെയും മറ്റൊരു കൂട്ടാളിയെയും അറസ്റ്റ് ചെയ്തുവെന്നാണ് പോലീസിനോട് അടുത്ത വൃത്തങ്ങൾ നൽകുന്ന സൂചന. ഇവരിൽ നിന്നും പിസ്റ്റളും ഗ്രനേഡും സുരക്ഷാ സേന കണ്ടെടുത്തു.
Read Also: ട്വിറ്റർ ഭൂപടത്തിൽ ജമ്മു-കശ്മീരും ലഡാക്കും പ്രത്യേക രാജ്യം; കടുത്ത നടപടിക്ക് കേന്ദ്രം