പൊന്നാനി: ഭിന്നശേഷിക്കാരനും യൂത്ത് കോൺഗ്രസ് മലപ്പുറം ജില്ലാ സെക്രട്ടറിയുമായ പികെ യൂസഫിന് ത്രീ വീലർ സ്കൂട്ടർ വാങ്ങുന്നതിന് റിയാദ് ഒഐസിസി മലപ്പുറം ജില്ലാ കമ്മിറ്റി ധനസഹായം നൽകി. ഷംസു കളക്കരയിൽ നിന്നും മുൻ സ്പീക്കർ വിഎം സുധീരൻ തുക ഏറ്റുവാങ്ങി.
പിടി മോഹന കൃഷ്ണൻ അനുസ്മരണ വേദിയിൽ വെച്ചാണ് ഒഐസിസി സ്വരൂപിച്ച പണം യൂസഫിന് നൽകിയത്. ചെറുപ്പത്തിൽ പോളിയോ ബാധിച്ച യൂസഫ്, ബിരുദാനന്തര ബിരുദമുണ്ടായിട്ടും ജോലിയില്ലാതെ പ്രയാസം നേരിടുകയായിരുന്നു. ഈ സാഹചര്യത്തിലാണ് യുവാവിന് നേരെ റിയാദ് ഒഐസിസി മലപ്പുറം ജില്ലാ കമ്മിറ്റി സഹായഹസ്തം നീട്ടിയത്.
ചടങ്ങിൽ എംപി അബ്ദുസമദ് സമദാനി എംപി, ഹൗസിംഗ് ബോർഡ് ചെയർമാൻ പിപി സുനീർ, യുഡിഎഫ് ജില്ലാ ചെയർമാൻ പിടി അജയ്മോഹൻ, ഡിസിസി ജനറൽ സെക്രട്ടറി ടികെ അഷറഫ് എന്നിവർ സംബന്ധിച്ചു.
Malabar News: മാവോയിസ്റ്റ് സാന്നിധ്യം; കണ്ണൂർ ജില്ലയുടെ അതിർത്തി പ്രദേശങ്ങളിൽ നിരീക്ഷണം