ശ്രീനഗർ: തന്നെയും കുടുംബത്തെയും വീണ്ടും വീട്ടുതടങ്കലിൽ പാർപ്പിച്ചിരിക്കുന്നതായി അവകാശപ്പെട്ട് നാഷണൽ കോൺഫറൻസ് വൈസ് പ്രസിഡണ്ട് ഒമർ അബ്‌ദുള്ള. ട്വിറ്ററിലൂടെയാണ് പിതാവും സഹോദരിയും താനും വീട്ടുതടങ്കലിലാണെന്ന വാർത്ത ഒമർ അബ്‌ദുളള പുറത്തുവിട്ടത്. വീടിനു പുറത്ത് പാർക്ക് ചെയ്‌തിരിക്കുന്ന പോലീസ് വാഹനങ്ങളുടെ ചിത്രവും ട്വീറ്റിൽ കാണിച്ചിട്ടുണ്ട്.
This is the “naya/new J&K” after Aug 2019. We get locked up in our homes with no explanation. It’s bad enough they’ve locked my father (a sitting MP) & me in our home, they’ve locked my sister & her kids in their home as well. pic.twitter.com/89vOgjD5WM
— Omar Abdullah (@OmarAbdullah) February 14, 2021
ഒമർ അബ്‌ദുള്ളയുടെ ആരോപണത്തിന് മറുപടിയുമായി ശ്രീനഗർ പോലീസ് രംഗത്തെത്തി. പുൽവാമ ആക്രമണത്തിന്റെ രണ്ടാം വാർഷിക ദിനമായതിനാൽ പ്രധാനപ്പെട്ട വ്യക്‌തികൾക്ക് സുരക്ഷാ ഭീഷണിയുണ്ടെന്ന് ഇന്റലിജൻസ് റിപ്പോർട് ഉളളതായി പോലീസ് പറയുന്നു. വീട് വിട്ട് പുറത്തേക്ക് പോകരുതെന്ന് എല്ലാവർക്കും നിർദേശമുണ്ടെന്നും ഇതിന്റെ ഭാഗമായി സുരക്ഷ വർധിപ്പിച്ചതാണെന്നും പോലീസ് വിശദീകരിച്ചു.
Read Also: ലഖ്ബീർ സിംഗിനെ കുറിച്ച് വിവരം നൽകിയാൽ ഒരു ലക്ഷം; ഡെൽഹി പോലീസ്
