തളിപ്പറമ്പ: കണ്ണൂര് ജില്ലയില് ഒരു കോവിഡ് മരണം കൂടി റിപ്പോര്ട്ട് ചെയ്തു. കണ്ണൂര് തളിപ്പറമ്പയിലെ കീഴാറ്റൂര് സ്വദേശിനി യശോദ(84)യാണ് മരണപ്പെട്ടത്.
ഇവര് പരിയാരം മെഡിക്കല് കോളേജില് ചികിത്സയിലിരിക്കെയാണ് മരണപ്പെട്ടത്.
ന്യൂമോണിയ ബാധയെത്തുടര്ന്ന് യശോദ തളിപ്പറമ്പ സഹകരണ ആശുപത്രിയില് ചികിത്സയിലായിരുന്നു. ഇവിടെ വെച്ചു നടത്തിയ ആന്റിജന് പരിശോധനയിലാണ് ഇവര്ക്ക് കോവിഡ് രോഗ ബാധ സ്ഥിരീകരിച്ചത്. തുടര്ന്ന് ഗുരുതരവസ്ഥയിലായ യശോദയെ ഈ മാസം 25ന് പരിയാരത്തെ കണ്ണൂര് ഗവ. മെഡിക്കല് കോളേജില് പ്രവേശിപ്പിച്ചെങ്കിലും മരണപ്പെടുകയായിരുന്നു. ഇവരുടെ സ്രവം വിദഗ്ദ്ധ പരിശോധനക്കായി ആലപ്പുഴ വൈറോളജി ലാബിലേക്ക് അയച്ചിട്ടുണ്ട്.