തിരുവനന്തപുരം : ഓപ്പറേഷന് പി ഹണ്ടിന്റെ ഭാഗമായി നടത്തിയ റെയ്ഡില് 41 പേര് അറസ്റ്റില്. കുട്ടികളുടെ നഗ്ന ചിത്രങ്ങള് സമൂഹ മാദ്ധ്യമങ്ങള് വഴി പ്രചരിപ്പിച്ച ആളുകളെ കണ്ടെത്താനായുള്ള പദ്ധതിയാണ് ഒപ്പസ്റേഷൻ പി ഹണ്ട്. കുട്ടികളുടെ നഗ്ന ചിത്രങ്ങള് ഉള്പ്പടെയുള്ളവ പ്രചരിപ്പിക്കുന്ന നിരവധി ആളുകളെയാണ് റെയ്ഡിന്റെ ഭാഗമായി അറസ്റ്റ് ചെയ്യാന് കഴിഞ്ഞത്. എഡിജിപി മനോജ് എബ്രഹാമിന്റെ നേതൃത്വത്തിലാണ് റെയ്ഡ് നടത്തിയത്.
അറസ്റ്റിലായ ആളുകളില് ഐടി വിദഗ്ദര് ഉള്പ്പെടെയുള്ളവര് ഉണ്ട്. സംസ്ഥാനത്തിന്റെ വിവിധ ഭാഗങ്ങളിലായി 326 സ്ഥലങ്ങളില് നടന്ന റെയ്ഡിലാണ് അറസ്റ്റ് അടക്കമുള്ള നടപടികള് സ്വീകരിച്ചത്. 268 കേസുകള് ഇതുമായി ബന്ധപ്പെട്ട് രജിസ്റ്റര് ചെയ്തിട്ടുണ്ട്. റെയ്ഡിന്റെ ഭാഗമായി 285 ഇലക്ട്രോണിക് ഉപകരണങ്ങളും പിടിച്ചെടുത്തിട്ടുണ്ട്.
Read also : ഡി കെ ശിവകുമാറിന്റെ വീട്ടില് സിബിഐ റെയ്ഡ്