ന്യൂഡെൽഹി: രാജ്യത്തെ ഒടിടി പ്ളാറ്റ് ഫോമുകൾക്ക് നിയന്ത്രണം ഏർപ്പെടുത്താൻ ഒരുങ്ങി കേന്ദ്ര സർക്കാർ. ഇതിനായി പുതിയ മാർഗനിർദ്ദേശങ്ങൾ സർക്കാർ ഉടൻ പുറത്തിറക്കുമെന്ന് വാർത്താവിതരണ വകുപ്പ് മന്ത്രി പ്രകാശ് ജാവദേക്കർ രാജ്യസഭയെ അറിയിച്ചു. ഒടിടി പ്ളാറ്റ് ഫോമുകളുടെ നിയന്ത്രണത്തെ ക്കുറിച്ച് ധാരാളം നിർദ്ദേശങ്ങളും പരാതികളും ലഭിച്ചിട്ടുണ്ടെന്ന് ശൂന്യവേളയിൽ ലഭിച്ച ചോദ്യത്തിന് മറുപടിയായി പ്രകാശ് ജാവദേക്കർ പറഞ്ഞു.
‘മാർഗ നിർദ്ദേശങ്ങളും മറ്റ് നടപടിക്രമങ്ങളും തയാറാണ്. അധികം വൈകാതെ തന്നെ ഇത് നടപ്പാക്കും. ഇതൊരു പ്രധാന പ്രശ്നമാണ്. സർക്കാരിന് ധാരാളം നിർദ്ദേശങ്ങളും പരാതികളും ലഭിക്കുന്നുണ്ട്. സ്ത്രീകളെ മോശമായി ചിത്രീകരിക്കൽ, മതനിന്ദ എന്നിവ വ്യാപകമായി ഇതിൽ പ്രചരിക്കപ്പെടുന്നു’ പ്രകാശ് ജാവദേക്കർ പറഞ്ഞു. രാജ്യത്ത് നെറ്റ്ഫ്ളിക്സ്, ആമസോൺ പ്രൈം, ഡിസ്നി ഹോട്ട് സ്റ്റാർ എന്നീ മുൻനിര പ്ളാറ്റ് ഫോമുകൾക്ക് പുറമെ പ്രാദേശിക ഭാഷകളിലും ഒടിടി പ്ളാറ്റ് ഫോമുകൾ പ്രവർത്തിക്കുന്നുണ്ട്.
Read Also: സജീവ രാഷ്ട്രീയത്തിൽ ഉണ്ടാകും, സുപ്രധാന പ്രഖ്യാപനങ്ങൾ രണ്ട് ദിവസത്തിനകം; ശശികല