പൂഞ്ച്: ജമ്മു കശ്‌മീരിലെ പൂഞ്ചില്‍ വീണ്ടും വെടിനിര്‍ത്തല്‍ ലംഘിച്ച് പാക് സൈന്യം. രാജൗരി ജില്ലയിലെ നൗഷെറ മേഖലയിലും പൂഞ്ച് ജില്ലയിലെ ഷാഹ്പൂര്‍, കിര്‍ണി, കസ്ബ മേഖലകളിലും പാകിസ്‌ഥാന്‍ വെടിനിര്‍ത്തല്‍ ലംഘിച്ചതായി ദേശീയ മാദ്ധ്യമങ്ങള്‍ റിപ്പോര്‍ട്ട് ചെയ്‌തു.
വ്യാഴാഴ്‌ച രാവിലെ ഒന്‍പത് മണിയോടെ പാകിസ്‌ഥാന്‍ നൗഷെറ മേഖലയിലും ഷാഹ്പൂര്‍, കിര്‍നി, കസ്ബ തുടങ്ങിയ മേഖലകളിലും വെടിവെപ്പിലൂടെയും ഷെല്ലാക്രമണത്തിലൂടെയും മോര്‍ട്ടാറുകള്‍ ഉപയോഗിച്ചും അക്രമം നടത്തിയതായി റിപ്പോര്‍ട്ടില്‍ പറയുന്നു. പൂഞ്ചിലെ നിയന്ത്രണരേഖയില്‍ വെടിനിര്‍ത്തല്‍ കരാര്‍ ലംഘിച്ചുവെന്ന് ഉദ്യോഗസ്‌ഥര്‍ പറഞ്ഞതായി എഎന്‍ഐ റിപ്പോര്‍ട്ട് ചെയ്‌തു.
ആക്രമണത്തില്‍ ഇന്ത്യന്‍ സൈന്യം തിരിച്ചടിച്ചതായാണ് വിവരം. ബുധനാഴ്‌ചയും പൂഞ്ചിലെ ഷാഹ്പൂര്‍, കിര്‍ണി, കസ്ബ മേഖലകളില്‍ പാകിസ്‌ഥാന്‍ വെടിനിര്‍ത്തല്‍ ലംഘിച്ചിരുന്നു.
Read Also: ജെഎന്‍യുവിലെ സ്വാമി വിവേകാനന്ദന്റെ പ്രതിമ പ്രധാനമന്ത്രി ഇന്ന് അനാച്ഛാദനം ചെയ്യും
