കൊച്ചി : പാലാരിവട്ടം പാലം അഴിമതിക്കേസില് മുന്മന്ത്രി വികെ ഇബ്രാഹിം കുഞ്ഞിനെ തിങ്കളാഴ്ച വിജിലന്സ് ചോദ്യം ചെയ്യും. തിങ്കളാഴ്ച രാവിലെ 9 മണി മുതല് 12 വരെയും, ഉച്ചക്ക് ശേഷം 3 മണി മുതല് 5 മണി വരെയുമാണ് വിജിലന്സിന് ചോദ്യം ചെയ്യാനുള്ള അനുമതി നല്കിയിരിക്കുന്നത്. വിജിലന്സ് ഡിവൈഎസ്പി ശ്യാംകുമാറിന്റെ നേതൃത്വത്തിലാണ് ഇബ്രാഹിം കുഞ്ഞിനെ ചോദ്യം ചെയ്യുക.
നിലവില് കൊച്ചിയിലെ സ്വകാര്യ ആശുപത്രിയില് ചികില്സയില് കഴിയുകയാണ് ഇബ്രാഹിം കുഞ്ഞ്. കൂടാതെ കേസില് ജാമ്യാപേക്ഷ സമര്പ്പിക്കുന്നതുമായി ബന്ധപ്പെട്ട കാര്യങ്ങളില് തിങ്കളാഴ്ചക്ക് ശേഷം തീരുമാനം എടുക്കും. ഹൈക്കോടതിയില് തന്നെ വീണ്ടും ജാമ്യാപേക്ഷ സമര്പ്പിക്കാനാണ് സാധ്യതയുള്ളത്. എന്നാല് സുപ്രീംകോടതിയില് ജാമ്യാപേക്ഷ സമര്പ്പിക്കുന്ന കാര്യവും പരിഗണനയിലുണ്ട്.
Read also : വീട്ടമ്മയുടെ മരണം; ശാഖയെ ഭർത്താവ് ഷോക്കടിപ്പിച്ച് കൊലപ്പെടുത്തിയെന്ന് പോലീസ്